AKPកំពង់ធំថ្ងៃទី០៩ ខែមេសា ឆ្នាំ២០២៦--ប្រតិភូបញ្ជាការដ្ឋានយោធាទីក្រុងហូជីមិ ញ ដឹកនាំដោយលោកវរសេនីយ៍ឯក ង្វៀន ឌិញជួន មេបញ្ជាការរង បញ្ជាការដ្ឋានយោធាទីក្រុងហូជីមិញ យោធភូ មិភាគទី៧ នៃកងទ័ពប្រជាជនវៀតណាម បានដឹកនាំប្រតិភូ មកសួរសុខទុក្ខ និងជូនពរឆ្នាំថ្មីប្រពៃណីជាតិខ្មែរ ឆ្នាំម្សាញ់ អដ្ឋស័ក ពុទ្ធសករាជ ២៥៧០ ដែលនឹងឈានមកដល់នៅពេលដ៏ខ្លីខាងមុខនេះនៅទីបញ្ជាការតំបន់ប្រតិបត្តិការសឹករងកំពង់ធំ យោធភូមិភាគ​ទី​ ៤​ នៃកង​យោធពលខេមរភូមិន្ទ​ នាព្រឹកថ្ងៃទី០៩ខែមេសាឆ្នាំ២០២៦ដោយមានការទទួលស្វាគមន៍យ៉ាង​រ៉ាក់​ទាក់​កក់ក្ដៅពីឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំ និងសហការី។

 ឧត្តមសេនីយ៍ទោ សោម ស៊ុន បានថ្លែងនូវការស្វាគមន៍ ចំពោះប្រតិភូនៃបញ្ជាការដ្ឋានយោធាទីក្រុងហូជីមិញ យោធភូមិភាគទី៧ នៃកងទ័ពបរជាជនវៀតណាម​ ដែលជារៀងរាល់ឆ្នាំតែងតែចាត់តាំងថ្នាក់ដឹកនាំ មកជូនពរឆ្នាំថ្មីប្រពៃណីជាតិខ្មែរ ដល់នាយទាហាន នាយទាហានរង និងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ។ ដែលនេះ ជាការផ្សារភ្ជាប់នូវចំណងមិត្តភាព សាមគ្គីភាព សហប្រតិបត្តិការ ដើម្បីសន្តិភាព និងការអភិវឌ្ឍ រីកចម្រើនរបស់ប្រទេសរៀងៗខ្លួន ។

 ជាមួយនេះដែរ ឧត្តមសេនីយ៍ទោ សោម ស៊ុន បានបញ្ជាក់ជូន ប្រតិភូបញ្ជាការដ្ឋានយោធាទីក្រុងហូជីមិញ អំពីលទ្ធផលនៃការជីករុករកអដ្ឋិធាតុ កងទ័ពស្ម័គ្រចិត្តវៀតណាម ដែលបានពលីជីវិតក្នុងសម័យសង្គ្រាមនៅកម្ពុជា និងបាន​ធ្វើមាតុភូមិនិវត្តន៍ទៅកាន់មាតុប្រទេសវិញ ក្នុងរយៈពេលជាង២០ឆ្នាំកន្លងទៅនេះ បានចំនួន​១១៨៤​ អដ្ឋិធាតុរួចហើយ។ ហើយ​បច្ចុប្បន្ន​នេះ​ កងកម្លាំង​នៃបញ្ជាការដ្ឋានតំបន់ប្រតិបត្តិការសឹករងកំពង់ធំកំពុង​សហការ​ជាមួយ​កម្លាំង​ជំនាញ​បច្ចេកទេស​ K72ជីក​រុករក​អដ្ឋិធាតុកងទ័ពស្ម័គ្រចិត្តវៀតណាម​ បន្ត​ទៅ​ទៀត​ តាម​កិច្ច​ព្រមព្រៀង​រវាង​រដ្ឋា​ភិបាល​នៃ​ប្រទេស​ទាំង​ពីរ​ ។ 

លោកវរសេនីយ៍ឯក ង្វៀន ឌីញជួន មេបញ្ជាការរងយោធាទីក្រុងហូជីមិញ បានថ្លែងនូវការកោតសរសើរចំពោះការអភិវឌ្ឍន៍រីកចម្រើនយ៉ាងឆាប់រហ័សរបស់ប្រទេសកម្ពុជា ក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និយាយជារួម និងនិយាយដោយឡែក នៅខេត្តកំពង់ធំ កំពុងមានការអភិវឌ្ឍន៍រីកចម្រើនយ៉ាងឆាប់រហ័សលើគ្រប់វិស័យគួរជាទីមោទនៈក្រោមការដឹកនាំរបស់ឯកឧត្តម នួន ផារ័ត្ឋ អភិបាលខេត្ត ព្រម​ជាមួយ​នេះ​ដែរ​ ក៍បាន​ថ្លែង​អំណរគុណ​ដ៍​ជ្រាលជ្រៅ​ជាទី​បំផុត​ចំពោះ​បញ្ជាការរដ្ឋានតំបន់ប្រតិបត្តិការសឹករងកំពង់ធំ​ ដែល​បាន​សហប្រតិ បត្តិការ​ល្អ​ក្នុង​ការ​ជីក​រុករក​ និង​ធ្វើ​មាតុភូមិ​និវត្តន៍​អដ្ឋិធាតុកងទ័ពស្ម័គ្រចិត្តវៀតណាមទៅ​កាន់​ប្រទេស​កកំណើតវិញហើយនៅក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានមកដល់នៅពេលដ៏ខ្លីខាងមុខនេះ ប្រតិភូនៃបញ្ជាការដ្ឋានយោធាទីក្រុងហូជីមិញ នៃកងទ័ពប្រជាជនវៀតណាម សូមជូនព របវរសួស្ដីមហាប្រសើរ ជូនដល់ប្រជាជនកម្ពុជា និងនាយទាហាន នាយទាហានរង ព្រមទាំងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ និងក្រុមគ្រួសារ សូមទទួលបាននូវសេចកីសុខសេចកីចម្រើន មានសុភមង្គលគ្រប់ៗក្រុមគ្រួសារ និងសូមឱ្យចំណងសាមគ្គីភាព មិត្តភាព សហប្រតិ បត្តិការ រវាងកម្ពុជានិងវៀតណាម ស្ថិតថេរជានិរន្តរ៍ ។

ភាគីទាំងពីរបានជូនវត្ថុអនុស្សាវរីយ៍ ជូនគ្នាទៅវិញទៅមក ប្រកប​ដោយ​មនោស ញ្ចេតនាស្វាគមន៍ និងសាមគ្គីភាពយ៉ាងកក់ក្តៅជាទីបំផុតចំពោះគ្នាទៅវិញ ទៅមក៕

ដោយ៖ ស៊ុម វណ្ណា