AKP ភ្នំពេញ ថ្ងៃទី០៩ ខែមេសា ឆ្នាំ២០២៦–នៅមណ្ឌលកុមារកំព្រាភ្នំពេញថ្មី នាថ្ងៃទី៨ ខែមេសា​  ឆ្នាំ២០២៦ ឯកឧត្តម​ ជា​ សុមេធី​ រដ្ឋមន្រ្តីក្រសួងសង្គមកិច្ច​ អតីតយុទ្ធជន​ និងយុវនីតិសម្បទា​ និងលោកជំទាវ​ ជា​ ផល្គុន​ ព្រមទាំងថ្នាក់ដឹកនាំក្រសួង​ ស.អ.យ រួមសំណេះសំណាល ពិសាអាហារសាមគ្គី និងចែករំលែកក្តីស្រឡាញ់ជាមួយ កុមារកំព្រា ក្នុងឱកាសអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ។

ក្នុងឱកាសនោះ ឯកឧត្តមរដ្ឋមន្រ្តី​ និងលោកជំទាវ​ បាននាំយកនូវសម្ភារៈមួយចំនួនប្រគល់ជូនមណ្ឌលរួមមាន សៀវភៅរឿងខ្លី ៦០០ក្បាល សៀវភៅផាត់ពណ៌ ៦០០ក្បាល ក្រដាស់ផាត់ពណ៌៣០ដុំ សៀវភៅគណិតវិទ្យាអង់គ្លេស ២០០ក្បាល សៀវភៅភាសាអង់គ្លេស ៣ប្រភេទ ២៤៦ក្បាល សៀវភៅភាសាខ្មែរ ៨៧ក្បាល សៀវភៅប្រវត្តិសាស្រ្តពិភពលោក ៥០ក្បាល  សៀវភៅភាសាចិន ២០០ក្បាល  សៀវភៅសរសេរ ៦០០ក្បាល  សៀវភៅខ្លឹមសារអប់រំកុមារតូច ១០០ក្បាល តុរៀនកុមារ ១៤តុ ខ្មៅដៃ ១០០ប្រអប់ ប្រដាប់ចិតខ្មៅដៃ ៣៣៦គ្រាប់ ឈុតបន្ទាត់ ៩០ឈុត ជ័រលុបខ្មៅដៃ ១ ៦០០គ្រាប់ ប៊ិច ៥០០ដើម ក្ដារឈ្នួន ១៣៥ក្ដារ សម្ភារៈសិក្សាសម្រាប់កុមារ ២២៥ឈុត ខ្សែអន្ទាក់ ១០០ខ្សែ  ឈុតខោអាវកូនក្មេងតូច ៩០ឈុត ខោអាវក្មេងចម្រុះ ២-៧ឆ្នាំ ២៦ថង់ តុក្កតា ៣៦តុក្កតា អាវវាលក្លៀក ៥០អាវ អាវរងា ៥៦អាវ ខោទឹកនោមចម្រុះ ២ ៤២២ខោ ឈុតពូកសម្រាប់ទារក ៣១ឈុត មុងសម្រាប់ទារក ៦០ឈុត នំចម្រុះ ២៥កេស វីតាមីនកូនក្មេង ៣០០ដប ក្រណាត់ និងខោអាវ ៦កេសនិង ក្នុងមួយមណ្ឌលទទួលបាន អង្ករ ១ ០០០គីឡូក្រាម ទឹកសុទ្ធ ៣០កេសធំ និងថវិកា ២ ០០០ ០០០រៀល ។

ក្នុងពិធីនោះក៏មានការចូលរួមពី អភិបាលរងរាជធានីភ្នំពេញ អាជ្ញាធរមូលដ្ឋាន និងកុមារកំព្រា នៃមណ្ឌលកុមារកំព្រាភ្នំពេញថ្មី មណ្ឌលកុមារកំព្រាកូលាប​ទី៤ មណ្ឌលអាសហ្វេសុីប កម្ពុជា និងមជ្ឈមណ្ឌលទារកនិងកុមារជាតិ សរុបចំនួន ២៧០នាក់ ៕

ដោយ៖ ណយ នឿន (ប្រភព៖ក្រសួងសង្គមកិច្ច)