AKP សៀមរាប ថ្ងៃទី០៨ ខែមេសាឆ្នាំ២០២៦--លោកជំទាវនាយឧត្តមសេនីយ៍ដាំ ដារីនី រដ្ឋលេខាធិការក្រសួងការពារជាតិ បានដឹកនាំ មន្រ្តីយោធាក្រោមឱវាទរបស់ខ្លួន ចុះសួរសុខទុក្ខនាយទាហាន នាយទា ហានរង ពលទាហាន យោធិននារី គ្រួសារកងទ័ពនៅយោធភូមិភាគទី៤ កងពលធំអន្តរាគមលេខ៣ កងពលតូចអន្តរាគមលេខ៨ មន្ទីពេទ្យយោធភូមិ ភាគ៤ យោធិននារី និងគ្រួសាកងទ័ពសមភូមិមុខ ដោយ បាននាំយកទៅជា មួយនូវអំណោយជាសម្ភារៈប្រើប្រាស់ គ្រឿងឧបភោគបរិភោគ និងភេសជ្ជៈ ព្រមទាំងថវិកាមួយចំនួនផង ដើម្បីចែកជូនជាកាដូចូលឆ្នាំថ្មីប្រពៃណីខ្មែរដែលនឹងចូលមកដល់ ក្នុងពេលឆាប់ៗខាងមុខនេះ។ ការចុះសួរសុខទុក្ខវីរៈកងទ័ពសមរភូមិមុខកាលពីថ្ងៃទី៨ខែមេសាឆ្នាំ២០២៦។

នៅក្នុងពីធីជួបជុំសំណេះសំណាលជាមួយក្រុមយោធានិងក្រុមគ្រួសារយោធាសមរភូមិ មុខនោះ លោកជំទាវនាយឧត្តមសេនីយ៍ ដាំ ដារីនី បានបានពាំនាំនូវការផ្ដាំផ្ញើសួរសុខទុកដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី និងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដល់បងប្អូនវិរៈកងទ័ព យោធិនទាំងអស់ ដោយសេចក្តីនឹករលឹក និងកោតសរសើរយ៉ាងជ្រាលជ្រៅ ចំពោះការបំពេញភារកិច្ចយ៉ាងក្លាហាន និងការលះបង់អាយុជីវិត សាច់ស្រស់ ឈាមស្រស់ ក្នុងការការពារដែនអធិបតេយ្យភាព បូរណភាពទឹកដី និងការរក្សាសន្តិភាពជូនជាតិមាតុភូមិ។

លោកជំទាវនាយឧត្តមសេនីយ៍ បានថ្លែងអំណរគុណនិងលើកទឹកចិត្តដល់បងប្អូនកងទ័ពទាំងអស់នៅសមរភូមិមុខ ដែលកន្លងមកបានការពារទឹកដី ជាតិមាតុភូមិ ពីការឈ្លានពានបានយ៉ាងរឹងមាំបំផុត ហើយលោកជំទាវសូមអោយវីរះកងទ័ពយើងទាំងអស់បន្តរក្សាស្មារតីសាមគ្គីភាព វិន័យ និងការត្រៀមខ្លួនជានិច្ច ដើម្បីបំពេញភារកិច្ចការពារជាតិនិងប្រជាជនឱ្យបានរឹងមាំនិងមានប្រសិទ្ធភាពខ្ពស់។ ហើយសម្រាប់ សមរភូមិក្រោយក៏បានត្រៀមខ្លួនរួចជាស្រេចក្នុងការរួមចំណែកជួយទំនុកបម្រុងគ្រប់កាលៈទេសៈ។ 

លោកជំទាវរដ្ឋលេខាធិការបានបន្តថា ការចុះសួរសុខទុក្ខនេះ ក៏ជាយន្តការមួយដើម្បីធានាបាននូវការថែទាំសុខុមាល ភាពកងទ័ពជួរមុខ និងបង្កើនសាមគ្គី ភាពក្នុងកងយោធពលខេមរភូមិន្ទ និងបង្ហាញពីការយកចិត្តទុកដាក់ផ្ទាល់ពីថ្នាក់ដឹកនាំការពារជាតិចំពោះសុខទុក្ខនិងការយកចិត្តទុកដាក់ចំពោះសុខុមាលភាពយោធិននារី ដើម្បីជាការលើកកម្ពស់តួនាទីយោធិននារី និងគ្រួសារកងទ័ព៕

ដោយ៖ហង្ស សៀក