AKP ភ្នំពេញ ថ្ងៃទី០២ ខែមេសា ឆ្នាំ២០២៦ -- អ្នកនាំពាក្យរដ្ឋាភិបាលអាល្លឺម៉ង់ បានបញ្ជាក់សារជាថ្មីនូវការប្តេជ្ញាចិត្តរបស់ទីក្រុងប៊ែរឡាំងចំពោះសម្ព័ន្ធភាពការពារជាតិអង្គការណាតូកាលពីថ្ងៃពុធ បន្ទាប់ពីប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) បាននិយាយទៅកាន់កាសែត Daily Telegraph របស់ចក្រភពអង់គ្លេសថា លោកបានផ្លាស់ប្តូរហួសពីការពិចារណាឡើងវិញអំពីសមាជិកភាពរបស់ប្រទេសលោក។

អ្នកនាំពាក្យរូបនេះបាននិយាយនៅក្នុងសន្និសីទសារព័ត៌មានរដ្ឋាភិបាលជាប្រចាំថា «នេះមិនមែនជាលើកទីមួយទេដែលលោកបានធ្វើបែបនេះហើយដោយសារវាជាបាតុភូតដដែលៗ អ្នកប្រហែលជាអាចវិនិច្ឆ័យផលវិបាកដោយខ្លួនឯងបាន»។

លោកបាននិយាយថា «វាមិនមែនជាកន្លែងរបស់ខ្ញុំនៅទីនេះដើម្បីធ្វើអត្ថាធិប្បាយចំពោះពាក្យសម្ដីរបស់លោកប្រធានាធិបតីអាម៉េរិកនោះទេ។ ខ្ញុំគ្រាន់តែចង់បញ្ជាក់ក្នុងនាមរដ្ឋាភិបាលអាល្លឺម៉ង់ថា ជាការពិតណាស់ យើងប្តេជ្ញាចិត្តចំពោះអង្គការណាតូ»៕

ដោយ៖ យា ចិន្ដាខន្ដី (ប្រភព៖ កូរ៉េថាមស៍)