AKP ភ្នំពេញ ថ្ងៃទី១ ខែមេសា ឆ្នាំ២០២៦
ឯកឧត្តម ណុំ ពិសិដ្ឋ ឯកអគ្គរាជទូតតែងតាំង នៃព្រះរាជាណាចក្រកម្ពុជា ប្រចាំប្រទេសអូស្ត្រាលី និងណូវែលសេឡង់ អមដោយលោក លឹម សម្បត្តិ ទីប្រឹក្សាស្ថានទូត និងលោក សំ វឌ្ឍនៈ លេខាធិការទី២ នៅព្រឹកថ្ងៃទី១ ខែមេសា ឆ្នាំ២០២៦ បានជួបសម្តែងការគួរសមជាមួយ លោកជំទាវ Michelle Chan លេខាធិការរង ទទួលបន្ទុកក្រុមអាស៊ីខាងត្បូង និងអាស៊ីអាគ្នេយ៍ នៃក្រសួងការបរទេស និងពាណិជ្ជកម្មអូស្ត្រាលី។ 
ក្នុងឱកាសនៃជំនួប ភាគីទាំងពីរបានវាយតំលៃខ្ពស់ពីវឌ្ឍនភាពជាវិជ្ជមាននៃទំនាក់ទំនងយូរអង្វែងរវាងកម្ពុជា និងអូស្រ្តាលី និងបានផ្លាស់ប្ដូរទស្សនៈលើមធ្យោបាយនានា ដើម្បីពង្រឹងកិច្ចសហប្រតិបត្តិការទ្វេភាគីបន្ថែមទៀត ជាពិសេសការជំរុញការវិនិយោគ ពាណិជ្ជកម្ម និងការហោះហើរត្រង់ រវាងប្រទេសទាំងពីរ។ ឯកឧត្តមឯកអគ្គរាជទូត ក៏បានជម្រាបជូន លោកជំទាវ លេខាធិការរង អំពីការវិវឌ្ឍថ្មីៗនៃបញ្ហាជម្លោះព្រំដែនកម្ពុជា-ថៃ ផងដែរ។ 
ក្នុងឱកាសនោះ ឯកឧត្តមឯកអគ្គរាជទូត បានប្រគល់សារតាំងច្បាប់ចម្លង ជូនលោកជំទាវ លេខាធិការរង៕

ដោយ៖ រិទ្ធី ប្រភព៖ ស្ថានឯកអគ្គរាជទូតកម្ពុជា ប្រចាំប្រទេសអូស្ត្រាលី និងណូវែលសេឡង់