AKP ភ្នំពេញ ថ្ងៃទី១៩ ខែមីនា ឆ្នាំ២០២៦ -- លោក វ៉ាង យី (Wang Yi) អ្នកការទូតជាន់ខ្ពស់របស់ប្រទេសចិន កាលពីថ្ងៃពុធ បានជំរុញឱ្យជៀសវាងការស្លាប់ និងរបួស និងការខាតបង់បន្ថែមទៀតទាក់ទងនឹងសង្គ្រាមដែលកំពុងផ្ទុះឡើងនៅតំបន់មជ្ឈិមបូព៌ា ដោយលោកបានសន្យាថានឹងខិតខំប្រឹងប្រែងសម្របសម្រួលរបស់ប្រទេសចិនដើម្បីបទឈប់បាញ់។

លោក វ៉ាង ដែលជាសមាជិកនៃការិយាល័យនយោបាយនៃគណៈកម្មាធិការកណ្តាលបក្សកុម្មុយនិស្តចិន និងជានាយកការិយាល័យនៃគណៈកម្មការកណ្តាលទទួលបន្ទុកកិច្ចការបរទេស បានធ្វើការកត់សម្គាល់នេះនៅក្នុងកិច្ចពិភាក្សាជាមួយ លោក ខាលដូន ខាលីហ្វា អាល់ មូបារ៉ាក់ (Khaldoon Khalifa Al Mubarak) បេសកជនពិសេសរបស់ប្រធានាធិបតីអេមីរ៉ាតអារ៉ាប់រួមប្រចាំប្រទេសចិននៅក្នុងទីក្រុងប៉េកាំង៕

ដោយ៖ មូល មិនា (ប្រភព៖ ភីបផលដេលី)