AKP ភ្នំពេញ ថ្ងៃទី១៧ ខែមីនា ឆ្នាំ២០២៦ -- ប្រព័ន្ធការពារដែនអាកាសរបស់ប្រទេសអ៊ីរ៉ាក់ បានបាញ់ទម្លាក់យន្តហោះគ្មានមនុស្សបើកចំនួនបួនគ្រឿង ដែលព្យាយាមវាយប្រហារស្ថានទូតអាម៉េរិកនៅទីក្រុងបាកដាដ។ នេះបើយោងតាមរបាយការណ៍របស់ Shafaq News។

យោងតាមប្រភពព័ត៌មានពីកងកម្លាំងសន្តិសុខក្នុងស្រុក បានឱ្យដឹងថា គ្មានយន្តហោះគ្មានមនុស្សបើកណាមួយបានវាយប្រហារអគារបេសកកម្មការទូតអាម៉េរិកនោះទេ។ មិនមានរបាយការណ៍អំពីអ្នកស្លាប់ និងរបួសដោយសារការវាយប្រហារនោះទេ៕
ដោយ៖ យា ចិន្ដាខន្ដី (ប្រភព៖ តាសស៍)