AKP ភ្នំពេញ ថ្ងៃទី០១ ខែមីនា ឆ្នាំ២០២៦ -- ក្រសួងការពារជាតិអេមីរ៉ាត់អារ៉ាប់រួម បាននិយាយថា យន្តហោះគ្មានមនុស្សបើកពីរគ្រឿងរបស់អ៊ីរ៉ង់បានកំណត់គោលដៅលើឃ្លាំងមួយនៅមូលដ្ឋានទ័ពជើងទឹកអាល់-សាឡាមក្នុងទីក្រុងអាប៊ូដាប៊ីនៅថ្ងៃអាទិត្យនេះ ដែលបណ្តាលឱ្យមានអគ្គីភ័យ ប៉ុន្តែមិនមានអ្នកស្លាប់ និងរងរបួសនោះទេ។

នៅក្នុងសេចក្តីថ្លែងការណ៍មួយ ដែលបានបង្ហោះនៅលើប្រព័ន្ធផ្សព្វផ្សាយសង្គមអ៊ិច ក្រសួងបាននិយាយថា ក្រុមជំនាញបានឆ្លើយតបទៅនឹងឧប្បត្តិហេតុនេះ។

សេចក្តីថ្លែងការណ៍បាននិយាយថា ការវាយប្រហារនេះបាននាំឱ្យមានអគ្គីភ័យនៅក្នុងទូរកុងតឺន័រពីរដែលផ្ទុកសម្ភារៈទូទៅ។

សហរដ្ឋអាមេរិក និងអ៊ីស្រាអែលបានបើកការវាយប្រហារលើអ៊ីរ៉ង់កាលពីថ្ងៃសៅរ៍ ដោយបានសម្លាប់មេដឹកនាំកំពូលអ៊ីរ៉ង់ជាច្រើននាក់ រួមទាំងមេដឹកនាំកំពូល លោក អាយ៉ាតូឡា អាលី ខាមេណី (Ayatollah Ali Khamenei)។ ទីក្រុងតេអេរ៉ង់បានសងសឹកដោយការវាយប្រហារដោយយន្តហោះគ្មានមនុស្សបើក និងគ្រាប់មីស៊ីលជាបន្តបន្ទាប់ ដែលកំណត់គោលដៅលើអ៊ីស្រាអែល ទ្រព្យសម្បត្តិរបស់សហរដ្ឋអាមេរិក និងប្រទេសឈូងសមុទ្រមួយចំនួន។

អ៊ីស្រាអែល និងសហរដ្ឋអាមេរិកបានបើកការវាយប្រហារស្រដៀងគ្នានេះលើអ៊ីរ៉ង់កាលពីខែមិថុនាកន្លងទៅ ដែលបង្កឱ្យមានសង្គ្រាមរយៈពេល១២ថ្ងៃ មុនពេលបទឈប់បាញ់ត្រូវបានប្រកាស៕

ដោយ៖ យា ចិន្ដាខន្ដី (ប្រភព៖ AA-AKP)