AKP ភ្នំពេញ ថ្ងៃទី២៦ ខែកុម្ភៈ ឆ្នាំ២០២៦ -- ក្រសួងការបរទេសអេមីរ៉ាត់អារ៉ាប់រួម បាននិយាយថា លោក អាប់ឌុលឡាហ៍ ប៊ីន ហ្សាយ៉េដ អាល់ ណាយ៉ាន់ (Abdullah bin Zayed Al Nahyan) បានជួបសន្ទនាតាមទូរស័ព្ទជាមួយរដ្ឋមន្ត្រីការបរទេសអ៊ីរ៉ង់ លោក អាបាស អារ៉ាកឈី (Abbas Araghchi) ដោយក្នុងអំឡុងពេលនោះ លោកបានសង្កត់ធ្ងន់ទៅលើសារៈសំខាន់នៃលទ្ធផលជោគជ័យនៃកិច្ចចរចារវាងសហរដ្ឋអាមេរិក និងអ៊ីរ៉ង់។

ទីភ្នាក់ងារសារព័ត៌មាន WAM របស់អេមីរ៉ាត់អារ៉ាប់រួមបានរាយការណ៍ថា រដ្ឋមន្ត្រីការបរទេសអេមីរ៉ាត់អារ៉ាប់រួម លោក ស្សេក អាប់ឌុលឡាហ៍ ប៊ីន ហ្សាយ៉េដ​ អាល់ ណាយ៉ាន់ បានពិភាក្សាអំពីស្ថានភាពនៅមជ្ឈិមបូព៌ាជាមួយអនុប្រធានាធិបតីសហរដ្ឋអាមេរិក លោក ជេឌី វែនស៍ (JD Vance) នៅទីក្រុងវ៉ាស៊ីនតោន ដោយកត់សម្គាល់អំពីសារៈសំខាន់នៃការសម្របសម្រួលគ្នាទៅវិញទៅមកដើម្បីពង្រឹងសន្តិសុខនៅក្នុងតំបន់។

អ៊ីរ៉ង់ និងសហរដ្ឋអាមេរិក ដែលសម្របសម្រួលដោយប្រទេសអូម៉ង់បានធ្វើកិច្ចចរចាពីរជុំរួចមកហើយ ស្តីពីបញ្ហានុយក្លេអ៊ែរអ៊ីរ៉ង់។ គណៈប្រតិភូអ៊ីរ៉ង់ដឹកនាំដោយលោក Araghchi ហើយគណៈប្រតិភូអាមេរិកដឹកនាំដោយបេសកជនពិសេសលោក Steve Witkoff។ ភាគីទាំងពីរកំពុងធ្វើការលើសំណើសម្រាប់កិច្ចព្រមព្រៀងដែលអាចធ្វើទៅបាន។ កិច្ចចរចាជុំថ្មីរវាងសហរដ្ឋអាមេរិក និងអ៊ីរ៉ង់ត្រូវបានគ្រោងនឹងធ្វើឡើងនៅទីក្រុងហ្សឺណែវនៅថ្ងៃព្រហស្បតិ៍។

On Monday, the UAE Foreign Ministry said Abdullah bin Zayed Al Nahyan had a phone call with Iranian Foreign Minister Abbas Araghchi, during which he stressed the importance of a successful outcome of US-Iran negotiations.

UAE Foreign Minister Sheikh Abdullah bin Zayed Al Nahyan discussed the situation in the Middle East with US Vice President JD Vance in Washington, noting the importance of mutual coordination to strengthen security in the region, the UAE news agency WAM reported.

Iran and the US, mediated by Oman, held two rounds of talks on the Iranian nuclear issue. The Iranian delegation was led by Araghchi, and the US delegation was led by special envoy Steve Witkoff. The parties are currently working on proposals for a possible agreement. A new round of talks between the US and Iran is scheduled to take place in Geneva on Thursday.
ដោយ៖ យា ចិន្ដាខន្ដី (ប្រភព៖ ស្ពុតនីក)