AKP ភ្នំពេញ ថ្ងៃទី២៦ ខែកុម្ភៈ ឆ្នាំ២០២៦ -- ប្រធានាធិបតីតួកគី លោក រេសេប តាយយីប អឺដូហ្គែន (Recep Tayyip Erdogan) កាលពីថ្ងៃពុធ បាននិយាយថា អ៊ីស្រាអែលបានបន្តបង្កើនការវាយប្រហាររបស់ខ្លួនទៅលើតំបន់ហ្គាហ្សា និងតំបន់វេស្តប៊ែង។ បើទោះបីជាមានបទឈប់បាញ់ក៏ដោយ។

លោក អឺដូហ្គែន បាននិយាយនៅក្នុងរដ្ឋធានីអង់ការ៉ា ក្នុងពិធីអាហារពេលល្ងាចអ៊ីហ្វតា (Iftar) ដែលជាពិធីតមអាហារប្រពៃណីក្នុងអំឡុងពេលខែបរិសុទ្ធនៃខែរ៉ាម៉ាដានរបស់មូស្លីមថា «បើទោះបីជាមានបទឈប់បាញ់ថ្ងៃទី១០ ខែតុលា (ឆ្នាំ២០២៥) ដែលធានាដោយកិច្ចខិតខំប្រឹងប្រែងរបស់ប្រទេសតួកគីក៏ដោយ ក៏រដ្ឋាភិបាលអ៊ីស្រាអែលនៅតែបន្តបង្កើនការវាយប្រហាររបស់ខ្លួនទៅលើតំបន់ហ្គាហ្សា និងតំបន់វេស្តប៊ែងដែរ»។

លោកបាននិយាយថា ប្រជាជននៅតំបន់ហ្គាហ្សាដែលតមអាហារនៅក្នុងអគារបណ្តោះអាសន្នក្នុងចំណោមប្រាសាទបុរាណ ហើយបដិសេធមិនព្រមចុះចូលនឹងការគាបសង្កត់ កំពុងធ្វើជាគំរូសម្រាប់ប្រជាជនមូស្លីមតាមរយៈជំនឿរបស់ពួកគេ៕
ដោយ៖ យា ចិន្ដាខន្ដី (ប្រភព៖ AA-AKP)