AKP ភ្នំពេញ ថ្ងៃទី២៦ ខែកុម្ភៈ ឆ្នាំ២០២៦ -- រដ្ឋបាលសហរដ្ឋអាមេរិកមិនចង់បញ្ឈប់ការព្យាយាមដោះស្រាយវិបត្តិនៅអ៊ុយក្រែនទេ ប៉ុន្តែការអត់ធ្មត់របស់លោកប្រធានាធិបតី ដូណាល់ ត្រាំ (Donald Trump) មិនមែនគ្មានដែនកំណត់នោះទេ។ នេះបើយោងតាមរដ្ឋមន្ត្រីការបរទេសសហរដ្ឋអាមេរិកលោក ម៉ាកូ រ៉ូប៊ីយ៉ូ (Marco Rubio)។

លោកបាននិយាយថា «សង្គ្រាមនោះនឹងត្រូវបានដោះស្រាយតាមរយៈកិច្ចចរចា។ ហើយឥឡូវនេះ យើងគឺជាប្រទេសតែមួយគត់នៅក្នុងពិភពលោកដែលអាចជាកម្លាំងជំរុញសម្រាប់កិច្ចចរចា។ ប្រសិនបើយើងបាត់បង់តួនាទីនោះ គ្មានអ្នកណាម្នាក់អាចធ្វើវាបានទេ»។

លោកបានបញ្ជាក់ថា «ដោយនិយាយដូច្នេះ តើខ្ញុំជឿថាការអត់ធ្មត់របស់លោកប្រធានាធិបតី [ដូណាល់ ត្រាំ] គឺគ្មានដែនកំណត់ទេ? ខ្ញុំមិនជឿទេ ប៉ុន្តែខ្ញុំមិនព្យាករណ៍សម្រាប់អ្នកទេថាពេលណាវាអស់ ឬនៅចំណុចណាដែលលោកសម្រេចចិត្តមិនធ្វើវាតទៀតនោះទេ។ ខ្ញុំអាចប្រាប់អ្នកបាន ហើយខ្ញុំគិតថា អ្នកបានឮដែលោកបានបង្ហាញពីការខកចិត្តយ៉ាងខ្លាំងថា រឿងនេះមិនទាន់ដល់ទីបញ្ចប់ ព្រោះលោកមើលឃើញថាវាជាសង្គ្រាមដ៏ល្ងង់ខ្លៅ និងគ្មានន័យទាំងស្រុង»៕
ដោយ៖ យា ចិន្ដាខន្ដី (ប្រភព៖ តាសស៍)