AKP ភ្នំពេញ ថ្ងៃទី២៦ ខែកុម្ភៈ ឆ្នាំ២០២៦ -- រដ្ឋាភិបាលរវ៉ាន់ដា និងមូលនិធិអន្តរជាតិសម្រាប់ការអភិវឌ្ឍកសិកម្ម (IFAD) បានចុះហត្ថលេខាលើកិច្ចព្រមព្រៀងហិរញ្ញប្បទានចំនួន ៧៨,៥លានដុល្លារអាម៉េរិក ដើម្បីកែលម្អវិស័យកសិកម្មរបស់ប្រទេស។

នៅក្នុងសេចក្តីថ្លែងការណ៍មួយ ក្រសួងហិរញ្ញវត្ថុ និងផែនការសេដ្ឋកិច្ចរវ៉ាន់ដា បាននិយាយថា មូលនិធិនេះនឹងគាំទ្រដល់គម្រោងធារាសាស្ត្រភ្នំកាយ៉ុនហ្សា នៅភាគខាងកើតប្រទេសរវ៉ាន់ដា ដែលត្រូវបានគេទទួលស្គាល់ថាបានពង្រីកដីដាំដុះ និងបង្កើនការគ្រប់គ្រងទឹក ដោយហេតុនេះធ្វើអោយប្រសើរឡើងនូវទិន្នផលកសិកម្ម។

យោងតាមទីភ្នាក់ងារឧតុនិយមរវ៉ាន់ដា បានឱ្យដឹងថា ស្រុកកាយ៉ុនហ្សាបានកត់ត្រាកម្រិតទឹកភ្លៀងទាបបំផុតមួយចំនួននៅក្នុងប្រទេសក្នុងរយៈពេលបីឆ្នាំកន្លងមកនេះ ដែលនាំឱ្យមានគ្រោះរាំងស្ងួតអូសបន្លាយ។

យោងតាមក្រសួងកសិកម្មបានឱ្យដឹងថា ដើម្បីដោះស្រាយបញ្ហាប្រឈមនេះ រដ្ឋាភិបាលមានគម្រោងសាងសង់ទំនប់ទឹកដែលមានសមត្ថភាពស្តុកទឹកបានមួយលានម៉ែត្រគូប ដើម្បីសម្រួលដល់ប្រព័ន្ធធារាសាស្ត្រ។

ក្រសួងហិរញ្ញវត្ថុ និងផែនការសេដ្ឋកិច្ច បាននិយាយថា មូលនិធិនេះក៏នឹងគាំទ្រដល់ខ្សែសង្វាក់តម្លៃសត្វពាហនៈតូចៗផងដែរ ដោយក្រសួងបានបន្ថែមថា គោលដៅរួមគឺដើម្បីកាត់បន្ថយភាពក្រីក្រ កែលម្អសន្តិសុខស្បៀង បង្កើនភាពធន់នឹងអាកាសធាតុកសិកម្ម និងបង្កើនប្រាក់ចំណូលសម្រាប់គ្រួសារជនបទ៕

ដោយ៖ មូល មិនា (ប្រភព៖ ស៊ីនហួ)