ក្រសួងការបរទេសសហរដ្ឋអាមេរិកជំរុញឱ្យអ៊ុយក្រែនបញ្ឈប់ការវាយប្រហារទៅលើផលប្រយោជន៍អាម៉េរិក
ចែករំលែក ៖​

AKP ភ្នំពេញ ថ្ងៃទី២៥ ខែកុម្ភៈ ឆ្នាំ២០២៦ -- រដ្ឋបាលរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) បានព្រមានរដ្ឋាភិបាលអ៊ុយក្រែនថា ការវាយប្រហាររបស់អ៊ុយក្រែនទៅលើរោងចក្រប្រេងរបស់រុស្ស៊ីមួយកន្លែងនៅសមុទ្រខ្មៅកាលពីចុងឆ្នាំមុន បានប៉ះពាល់ដល់ការវិនិយោគរបស់សហរដ្ឋអាមេរិកនៅកាហ្សាក់ស្ថាន។ នេះបើយោងតាមការលើកឡើងរបស់ឯកអគ្គរដ្ឋទូតអ៊ុយក្រែនប្រចាំសហរដ្ឋអាមេរិកលោកស្រី អុលហ្កា​ ស្តេហ្វេននីស្ស៊ីណា (Olga Stefanishyna)។

​នៅចុងខែវិច្ឆិកា ឆ្នាំ២០២៥ យន្តហោះគ្មានមនុស្សបើករបស់អ៊ុយក្រែនបានវាយប្រហារហេដ្ឋារចនាសម្ព័ន្ធសំខាន់ៗនៃសម្ព័ន្ធបំពង់បង្ហូរប្រេងCaspian Pipeline Consortium (CPC) អន្តរជាតិនៅក្នុងដែនទឹកនៃកំពង់ផែ Novorossiysk។ ជាលទ្ធផល ការនាំចេញប្រេងរបស់កាហ្សាក់ស្ថានក៏បានធ្លាក់ចុះផងដែរ។

​ឯកអគ្គរដ្ឋទូតបានកត់សម្គាល់ថា សាររបស់ក្រសួងការបរទេសបានសង្កត់ធ្ងន់លើកង្វះផលប្រយោជន៍សេដ្ឋកិច្ចបច្ចុប្បន្នរបស់សហរដ្ឋអាមេរិកនៅអ៊ុយក្រែនដែលអាចប្រៀបធៀបទៅនឹងផលប្រយោជន៍នៅកាហ្សាក់ស្ថានហើយបានសោកស្តាយថា ក្នុងរយៈពេល ៣៥ ឆ្នាំនៃឯករាជ្យភាពរបស់អ៊ុយក្រែន ដោយមានឱកាសច្រើន យើងមិនដែលនាំខ្លួនយើងទៅរកស្ថានភាពដែលយើងអាចធ្វើដូចគ្នានោះទេ"។

​ក្រុមហ៊ុនប្រេង និងឧស្ម័នអាមេរិក Chevron គឺជាភាគទុនិកសំខាន់មួយនៅក្នុង CPC ដែលដឹកជញ្ជូនប្រេងពីវាលប្រេងរបស់កាហ្សាក់ស្ថានទៅកាន់សមុទ្រខ្មៅសម្រាប់នាំចេញ។

The administration of US President Donald Trump warned the Ukrainian government that Ukraine's strikes on a Russian oil facility in the Black Sea late last year impacted US investments in Kazakhstan, Ukrainian Ambassador to the United States Olga Stefanishyna said.

In late November 2025, Ukrainian drones attacked critical infrastructure of the international Caspian Pipeline Consortium (CPC) in the waters of the Novorossiysk seaport. As a result, Kazakh oil exports also declined.

The ambassador noted that the State Department's message emphasized the United States' current lack of economic interests in Ukraine comparable to those in Kazakhstan, and lamented that, in "35 years of Ukraine independence, having so many chances, we never brought ourselves to the situation where we can do the same."

US oil and gas company Chevron is a major shareholder in the CPC, which transports oil from Kazakhstan's fields to the Black Sea for export.

ដោយ៖ យា ចិន្ដាខន្ដី (ប្រភព៖ ស្ពុតនីក)