AKP ភ្នំពេញ ថ្ងៃទី២៥ ខែកុម្ភៈ ឆ្នាំ២០២៦ -- ក្រសួងរតនាគារសហរដ្ឋអាមេរិក បានដាក់ទណ្ឌកម្មទៅលើបុគ្គលរុស្ស៊ីចំនួន ៣នាក់ ពលរដ្ឋម្នាក់នៃប្រទេសអ៊ូសបេគីស្ថាន និងក្រុមហ៊ុនចំនួនបីមកពីប្រទេសរុស្ស៊ី និងអេមីរ៉ាត់អារ៉ាប់រួម។ នេះបើយោងតាមសេចក្តីថ្លែងការណ៍មួយរបស់ការិយាល័យគ្រប់គ្រងទ្រព្យសម្បត្តិបរទេស (OFAC) ដែលជានាយកដ្ឋានមួយរបស់ក្រសួងរតនាគារសហរដ្ឋអាមេរិក។

យោងតាមសេចក្តីថ្លែងការណ៍នោះ បានឱ្យដឹងថា ពួកគេត្រូវបានបន្ថែមទៅក្នុងបញ្ជីទណ្ឌកម្មដោយសារតែការគំរាមកំហែងសន្តិសុខតាមអ៊ីនធឺណិត។

ពលរដ្ឋរុស្ស៊ីដែលត្រូវបានបន្ថែមទៅក្នុងបញ្ជីនោះ គឺលោក អូឡេក គូឆេរ៉ូវ (Oleg Kucherov) លោកស្រី ម៉ារីណា វ៉ាសាណូវីច (Marina Vasanovich) និងលោក ស៊ែរហ្គេយ ហ្សេលេនយុក (Sergey Zelenyuk)។នីតិបុគ្គលដែលត្រូវបានដាក់ទណ្ឌកម្មរួមមាន ក្រុមហ៊ុន Matrix របស់រុស្ស៊ីនិងក្រុមហ៊ុនចុះបញ្ជីនៅទីក្រុងឌូបៃ គឺក្រុមហ៊ុន Advance Security Solutions និងក្រុមហ៊ុន Special Technology Services៕

ដោយ៖ យា ចិន្ដាខន្ដី (ប្រភព៖ តាសស៍)