AKP ភ្នំពេញ ថ្ងៃទី២៣ ខែកុម្ភៈ ឆ្នាំ២០២៦ -- កាលពីថ្ងៃសៅរ៍ ប្រទេសតង់ហ្សានីបានដាក់ឱ្យដំណើរការគម្រោងអគ្គិសនីប្រើប្រាស់ដោយថាមពលព្រះអាទិត្យ ដែលផ្តោតលើកោះចំនួន ១២០កន្លែងនៅទូទាំងតំបន់ចំនួនប្រាំបីដែលមានព្រំប្រទល់ជាប់នឹងបឹងធំៗ និងមហាសមុទ្រឥណ្ឌា។

គំនិតផ្តួចផ្តើមនេះមានគោលបំណងដំឡើងប្រព័ន្ធផ្ទះថាមពលព្រះអាទិត្យចំនួន ២០.០០០សន្លឹក ដែលមានតម្លៃសរុប ៨ប៊ីលានស៊ីលីងតង់ហ្សានី (ប្រហែល ៣,២លានដុល្លារអាម៉េរិក)។

គម្រោងនេះបានអនុវត្តដោយទីភ្នាក់ងារថាមពលជនបទ (REA) ត្រូវបានសម្ពោធជាផ្លូវការដោយអនុរដ្ឋមន្ត្រីថាមពល លោកស្រី សាឡូមេ ម៉ាកាមបា (Salome Makamba) នៅលើកោះ Bezi ក្នុងបឹង Victoria ដែលមានទីតាំងនៅក្នុងស្រុក Ilemela នៃតំបន់ Mwanza។

តំបន់ផ្សេងទៀតដែលត្រៀមនឹងទទួលបានអត្ថប្រយោជន៍ពីកម្មវិធីនេះរួមមាន តំបន់ Geita តំបន់ Kagera និងតំបន់ Mara តាមបណ្តោយបឹងVictoria តាមបណ្តោយបឹង Rukwa និងបឹង Lindi បឹង Mtwara និងឆ្នេរសមុទ្រតាមបណ្តោយមហាសមុទ្រឥណ្ឌា។

លោកស្រី ម៉ាកាមបា បាននិយាយថា រដ្ឋាភិបាលនឹងផ្តល់ប្រាក់ឧបត្ថម្ភដែលគ្របដណ្តប់រហូតដល់ ៧៥% នៃថ្លៃដើមតភ្ជាប់ដើម្បីធានាបាននូវការទទួលបានអគ្គិសនីដែលមានតម្លៃសមរម្យនៅតំបន់ដាច់ស្រយាល។

លោកស្រីបានបន្ថែមថា គម្រោងនេះនឹងគាំទ្រដោយផ្ទាល់នូវរបៀបវារៈសេដ្ឋកិច្ចពណ៌ខៀវរបស់ប្រទេសតង់ហ្សានី ដោយអនុញ្ញាតឱ្យអ្នកនេសាទបន្ថែមតម្លៃដល់ផលិតផលត្រីមុនពេលចូលទីផ្សារ ខណៈពេលដែលមានការជំរុញការចិញ្ចឹមត្រី ការចិញ្ចឹមសារាយសមុទ្រ និងទេសចរណ៍ឆ្នេរផងដែរ៕

ដោយ៖ មូល មិនា (ប្រភព៖ ស៊ីនហួ)