AKP ភ្នំពេញ ថ្ងៃទី១៨ ខែកុម្ភៈ ឆ្នាំ២០២៦ -- សភា​ប្រមុខរដ្ឋ និង​រដ្ឋាភិបាល​នៃ​សហភាព​អាហ្វ្រិក (AU) បាន​អនុម័តកាលពីពេលថ្មីៗនេះ​ចំនួន ១៧លើក​ជាប់ៗ​គ្នា​នូវ​សេចក្តី​សម្រេច​មួយ ​ដែល​ថ្កោលទោសចំពោះ​ការ​បិទ​ផ្លូវ​សេដ្ឋកិច្ចពាណិជ្ជកម្ម និង​ហិរញ្ញវត្ថុ​របស់​សហរដ្ឋអាមេរិក​ប្រឆាំង​នឹង​ប្រទេស​គុយបា។

ឯកសារដែលត្រូវបានអនុម័តនៅក្នុងសម័យប្រជុំសាមញ្ញលើកទី៣៩ដែលបានបញ្ចប់កាលពីពេលថ្មីៗនេះ រួមមានការអំពាវនាវយ៉ាងច្បាស់លាស់របស់សហភាពអាហ្រ្វិកឱ្យដកប្រទេសក្នុងតំបន់ការ៉ាបៀនមួយនេះចេញពីបញ្ជីឯកតោភាគី និងមិនសមហេតុផលនៃប្រទេសដែលត្រូវបានចោទប្រកាន់ថាឧបត្ថម្ភអំពើភេរវកម្ម ដោយសង្កត់ធ្ងន់ទៅលើលក្ខណៈបំពាននៃការកំណត់នេះ។

យោងតាមស្ថានទូតគុយបាប្រចាំប្រទេសអេត្យូពី បានឱ្យដឹងថា បណ្តាមេដឹកនាំអាហ្វ្រិកបានសម្តែងការព្រួយបារម្ភអំពីផលប៉ះពាល់អវិជ្ជមានកាន់តែខ្លាំងឡើងនៃការហាមឃាត់របស់ទីក្រុងវ៉ាស៊ីនតោន ជាពិសេសនៅក្នុងបរិបទនាពេលបច្ចុប្បន្ន នៅពេលដែលទីក្រុងហាវ៉ាណានៅតែប្រឈមមុខនឹងបញ្ហាប្រឈមផ្នែកសេដ្ឋកិច្ច និងសង្គមដ៏សំខាន់ ដែលបណ្តាលមកពីជំងឺរាតត្បាតកូវីដ-១៩។

សេចក្តីសម្រេចនេះបញ្ជាក់សារជាថ្មីម្តងទៀតអំពីចំណងមិត្តភាពប្រវត្តិសាស្ត្រ នយោបាយ និងសាមគ្គីភាពយ៉ាងជ្រាលជ្រៅដែលបង្រួបបង្រួមប្រជាជននៃទ្វីបអាហ្វ្រិក និងគុយបា ហើយបង្កើតបានជាការបង្ហាញយ៉ាងច្បាស់នៃការគាំទ្រចំពោះការលុបបំបាត់វិធានការនេះ ដែលពួកគេចាត់ទុកថាអយុត្តិធម៌ ខុសច្បាប់ និងផ្ទុយនឹងគោលការណ៍នៃច្បាប់អន្តរជាតិ និងអធិបតេយ្យភាពរដ្ឋ៕

ដោយ៖ យា ចិន្ដាខន្ដី (ប្រភព៖ ប្រេនសាឡាទីណា)