AKP ភ្នំពេញ ថ្ងៃទី១៣ ខែកុម្ភៈ ឆ្នាំ២០២៦ -- ចំណូលសរុបពីការស្នាក់នៅនៅក្នុងប្រទេសប៊ុលហ្គារីក្នុងខែធ្នូ ឆ្នាំ២០២៥ បានកើនឡើង ១២,៥% បើប្រៀបធៀបទៅនឹងខែដូចគ្នាកាលពីឆ្នាំមុន ហើយបានឈានដល់តម្លៃ១១២,៧លាន BGN ខណៈដែល ៧៥,៦លាន BGN បានមកពីអ្នករស់នៅប៊ុលហ្គារី និង ៣៧,១លាន BGN បានមកពីអ្នកមិនមែនជាអ្នកស្រុក។ នេះបើយោងតាមការប្រកាសរបស់វិទ្យាស្ថានស្ថិតិជាតិ (NSI) នៅលើគេហទំព័ររបស់ខ្លួននៅថ្ងៃព្រហស្បតិ៍។

យោងតាមទិន្នន័យពីវិទ្យាស្ថាន NSI បានឱ្យដឹងថា ចំណូលនៅក្នុងខែធ្នូ ឆ្នាំ២០២៤ មានចំនួន ១០០,២លាន BGN (៥១,២លានអឺរ៉ូ) ឬជាង១១.៦% បើប្រៀបធៀបទៅនឹងខែដូចគ្នាកាលពីមួយឆ្នាំមុន។ កាលពីឆ្នាំមុនប្រាក់ចំណូលពីការស្នាក់នៅមួយយប់មានចំនួន ១១២,៩លាន BGN (៥៧,៧លានអឺរ៉ូ) ឬជាង ២៤% បើប្រៀបធៀបទៅនឹងខែដូចគ្នានៃមួយឆ្នាំមុន។

ចំនួនអ្នកស្នាក់នៅសរុបនៅក្នុងខែធ្នូ ឆ្នាំ២០២៥ គឺ ២៥,៤% ដែលកើនឡើង ១,១ពិន្ទុភាគរយបើប្រៀបធៀបទៅនឹងឆ្នាំមុន។ ការស្នាក់នៅខ្ពស់បំផុត គឺនៅកន្លែងស្នាក់នៅលំដាប់ផ្កាយ៤ និងផ្កាយ៥ ដែលមានចំនួន ៣៣,៤% បន្ទាប់មក គឺកន្លែងស្នាក់នៅលំដាប់ផ្កាយ៣ ដែលមាន ២៤,៤% និងកន្លែងស្នាក់នៅលំដាប់ផ្កាយ១ និងផ្កាយ២ មានចំនួន ១៥,៣%។ ចំនួនសរុបនៃយប់ដែលបានចំណាយ គឺ ១.០៨៣.៥០០យប់ ឬជាង ៨,២% បើប្រៀបធៀបទៅនឹងឆ្នាំមុន។ យប់ដែលចំណាយដោយអ្នកស្រុកប៊ុលហ្គារីមានចំនួន ៧៦៥.៥០០យប់ និងដោយអ្នកមិនមែនជាអ្នកស្រុក មានចំនួន៣១៨.០០០យប់៕

ដោយ៖ យា ចិន្ដាខន្ដី (ប្រភព៖ BTA)