AKP ភ្នំពេញ ថ្ងៃទី០៩ ខែកុម្ភៈ ឆ្នាំ២០២៦ -- ក្រុមហ៊ុន Petroliam Nasional Bhd (PETRONAS) របស់ប្រទេសម៉ាឡេស៊ី បានប្រកាសថា ខ្លួនមានគោលបំណងរក្សាផលិតកម្មក្នុងស្រុកឱ្យនៅប្រហែលពីរលានបារ៉ែលសមមូលប្រេងក្នុងមួយថ្ងៃក្នុងរយៈពេលបីឆ្នាំខាងមុខ ដោយបន្តវិនិយោគទៅលើការរុករក ការអភិវឌ្ឍប្រេងក្នុងទឹកជ្រៅ និងការស្តារប្រេងឡើងវិញឱ្យកាន់តែប្រសើរឡើង។

ប្រព័ន្ធផ្សព្វផ្សាយក្នុងស្រុកបានដកស្រង់ទស្សនៈវិស័យសកម្មភាពឆ្នាំ២០២៦-២០២៨ របស់ក្រុមហ៊ុន PETRONAS ដែលបានចេញផ្សាយកាលពីចុងខែមករា ដោយបាននិយាយថា គម្រោងបង្កើនប្រសិទ្ធភាពធនធានពីទ្រព្យសកម្មផលិត បានបន្តដើរតួនាទីយ៉ាងសំខាន់ក្នុងការគាំទ្រសន្តិសុខថាមពលរបស់ប្រទេសម៉ាឡេស៊ី ដោយបង្កើតតម្រូវការប្រកបដោយចីរភាពសម្រាប់សេវាកម្មបច្ចេកទេស និងដំណោះស្រាយប្រកបដោយនវានុវត្តន៍ពីដៃគូសេវាកម្ម និងឧបករណ៍ប្រេង និងឧស្ម័ន(OGSE)។

ក្រៅពីនេះ គំនិតផ្តួចផ្តើមកាត់បន្ថយកាបូនកំពុងរីកចម្រើន ដើម្បីជំរុញផ្លូវកាត់បន្ថយការបំភាយកាបូនសុទ្ធសូន្យរបស់ក្រុមហ៊ុន PETRONAS នៅត្រឹមឆ្នាំ២០៥០ ដែលអាចឱ្យមានប្រតិបត្តិការកាបូនទាបនៅឧបទ្វីបម៉ាឡេស៊ី។

ក្រុមហ៊ុន PETRONAS បាននិយាយថា ខ្លួននឹងផ្តល់អាទិភាពដល់ឧត្តមភាពប្រតិបត្តិការ ភាពធន់នៃខ្សែសង្វាក់ផ្គត់ផ្គង់ និងការធ្វើពិពិធកម្មផលិតផល ខណៈដែលកំពុងពង្រីកនៅក្នុងសារធាតុគីមីពិសេស និងឥន្ធនៈជីវឥន្ធនៈ ដែលមានគោលដៅចាប់ផ្តើមប្រតិបត្តិការនៅក្នុងឆមាសទីពីរនៃឆ្នាំ២០២៨។

ទស្សនវិស័យនេះក៏បង្ហាញពីនវានុវត្តន៍ផលិតផល ដូចជាសារធាតុរាវឆ្លាតវៃកម្ដៅសម្រាប់យានយន្តអគ្គិសនី ដែលត្រូវបានរចនាឡើងដើម្បីបំពេញតម្រូវការអតិថិជនដែលកំពុងវិវត្តន៍ ចំពេលដែលមានការផ្លាស់ប្តូរជាសកលឆ្ពោះទៅរកនិរន្តរភាព៕

ដោយ៖ យា ចិន្ដាខន្ដី (ប្រភព៖ VNA)