AKP ភ្នំពេញ ថ្ងៃទី០៤ ខែកុម្ភៈ ឆ្នាំ២០២៦ -- លោក វ៉ាង សៅហុង (Wang Xiaohong) ទីប្រឹក្សារដ្ឋ និងជារដ្ឋមន្ត្រីក្រសួងសន្តិសុខសាធារណៈចិនកាលពីថ្ងៃចន្ទបានជួបជាមួយរដ្ឋមន្ត្រីសម្របសម្រួលសន្តិសុខជាតិសិង្ហបុរី និងរដ្ឋមន្ត្រីក្រសួងមហាផ្ទៃ លោក កាស៊ីវីស្វាណាថាន់ សានមូហ្គាម (Kasiviswanathan Shanmugam) នៅទីក្រុងប៉េកាំង។

លោក វ៉ាង បាននិយាយថា ប្រទេសចិនមានឆន្ទៈក្នុងការធ្វើការជាមួយប្រទេសសិង្ហបុរី ដើម្បីកែលម្អយន្តការ និងពង្រឹងកិច្ចសហប្រតិបត្តិការក្នុងវិស័យដូចជា ការគ្រប់គ្រងគ្រឿងញៀន ការគ្រប់គ្រងអន្តោប្រវេសន៍ និងការប្រយុទ្ធប្រឆាំងនឹងការក្លែងបន្លំតាមទូរគមនាគមន៍ ការក្លែងបន្លំតាមប្រព័ន្ធអ៊ីនធឺណិត និងឧក្រិដ្ឋកម្មសេដ្ឋកិច្ច។ លោកក៏បាននិយាយផងដែរថា ភាគីទាំងពីរគួរតែខិតខំសម្រេចបានលទ្ធផលជាក់ស្តែងបន្ថែមទៀត និងនាំមកនូវអត្ថប្រយោជន៍កាន់តែច្រើនដល់ប្រជាជននៃប្រទេសទាំងពីរ។

លោកបាននិយាយថា ប្រទេសចិនមានឆន្ទៈក្នុងការធ្វើការជាមួយប្រទេសសិង្ហបុរី ដើម្បីអនុវត្តន៍ការឯកភាពគ្នាដ៏សំខាន់ដែលសម្រេចបានរវាងប្រមុខរដ្ឋរបស់ពួកគេ និងអភិវឌ្ឍន៍កិច្ចសហប្រតិបត្តិការច្បាប់ទ្វេភាគី និងសន្តិសុខពីទស្សនៈយុទ្ធសាស្ត្រ និងរយៈពេលវែង។

លោក សានមូហ្គាម បានសម្តែងឆន្ទៈក្នុងការរក្សាទំនាក់ទំនងជិតស្និទ្ធជាមួយប្រទេសចិន និងពង្រឹងកិច្ចសហប្រតិបត្តិការជាក់ស្តែងលើការអនុវត្តច្បាប់ និងសន្តិសុខ៕

ដោយ៖ មូល មិនា (ប្រភព៖ ភីបផលដេលី)