AKP ភ្នំពេញ ថ្ងៃទី២៩ ខែមករា ឆ្នាំ២០២៦ -- វិមានក្រឹមឡាំងបាននិយាយកាលពីថ្ងៃពុធថា ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin)នឹងធ្វើកិច្ចចរចានៅថ្ងៃទី២៩ ខែមករា ឆ្នាំ២០២៦ នេះ ជាមួយប្រធានាធិបតីអេមីរ៉ាត់អារ៉ាប់រួម លោក សេក ម៉ូហាម៉េដ ប៊ីន ហ្សាយីដ អាល់ ណាយ៉ាន(Sheikh Mohamed bin Zayed Al Nahyan) ដែលបំពេញទស្សនកិច្ចជាផ្លូវការនៅប្រទេសរុស្ស៊ី។

សេចក្តីថ្លែងការណ៍នេះបាននិយាយថា «នៅថ្ងៃទី២៩ ខែមករាឆ្នាំ២០២៦ ប្រធានាធិបតីរុស្ស៊ី លោក វ្ល៉ាឌីមៀ ពូទីន នឹងធ្វើកិច្ចចរចាជាមួយប្រធានាធិបតីអេមីរ៉ាត់អារ៉ាប់រួម លោក ម៉ូហាម៉េដ ប៊ីន ហ្សាយីដ អាល់ ណាយ៉ាន ដែលបំពេញទស្សនកិច្ចជាផ្លូវការនៅប្រទេសរុស្ស៊ី»។

សេចក្តីថ្លែងការណ៍នេះបាននិយាយថា ប្រធានាធិបតីទាំងពីរនឹងពិភាក្សាអំពីវិស័យសំខាន់ៗនៃកិច្ចសហប្រតិបត្តិការរុស្ស៊ី-អេមីរ៉ាតអារ៉ាប់រួមក៏ដូចជាស្ថានភាពបច្ចុប្បន្ននៅមជ្ឈិមបូព៌ា។

ដោយ៖ យា ចិន្ដាខន្ដី (ប្រភព៖ ស្ពុតនីក)