AKP ភ្នំពេញ ថ្ងៃទី២៧ ខែមករា ឆ្នាំ២០២៦ -- ប្រធានាធិបតីចិន លោក ស៊ីជីនភីង (Xi Jingping) បានសម្តែងការត្រៀមខ្លួនរួចជាស្រេចក្នុងការធ្វើការជាមួយប្រទេសហ្វាំងឡង់នៅថ្ងៃអង្គារនេះ ដើម្បីគាំទ្រយ៉ាងរឹងមាំនូវប្រព័ន្ធអន្តរជាតិដែលមានអង្គការសហប្រជាជាតិជាស្នូល និងសណ្តាប់ធ្នាប់អន្តរជាតិដោយផ្អែកលើច្បាប់អន្តរជាតិ ដើម្បីឆ្លើយតបរួមគ្នាចំពោះបញ្ហាប្រឈមជាសកល។

លោក ស៊ី បានធ្វើការកត់សម្គាល់នេះ នៅពេលជួបជាមួយនាយករដ្ឋមន្ត្រីហ្វាំងឡង់ លោក ភែតទើរី អូប៉ូ (Petteri Orpo) ដែលកំពុងបំពេញទស្សនកិច្ចជាផ្លូវការនៅប្រទេសចិន។

លោក ស៊ី ក៏បាននិយាយផងដែរថា ប្រទេសចិនមានឆន្ទៈក្នុងការធ្វើការងារជាមួយប្រទេសហ្វាំងឡង់ ដើម្បីលើកកម្ពស់ពិភពលោកពហុប៉ូលដែលប្រកបដោយសមធម៌ និងមានសណ្តាប់ធ្នាប់ ក៏ដូចជាសកលភាវូបនីយកម្មសេដ្ឋកិច្ចដែលមានប្រយោជន៍ជាសកល និងបរិយាប័ន្ន៕

ដោយ៖ យា ចិន្ដាខន្ដី (ប្រភព៖ ស៊ីនហួ)