AKP ភ្នំពេញ ថ្ងៃទី១៤ ខែមករា ឆ្នាំ២០២៦ -- អ្នកនាំពាក្យក្រសួងការបរទេសចិនបានថ្លែងនៅក្នុងសន្និសីទសារព័ត៌មានប្រចាំថ្ងៃមួយកាលពីថ្ងៃអង្គារថា ប្រទេសចិនកំពុងតាមដានយ៉ាងដិតដល់នូវការវិវត្តនៃស្ថានភាពនៅក្នុងប្រទេសអ៊ីរ៉ង់ ហើយនឹងចាត់វិធានការចាំបាច់ទាំងអស់ដើម្បីការពារសុវត្ថិភាពរបស់ពលរដ្ឋចិន។

ក្រសួងការបរទេសសហរដ្ឋអាមេរិកកាលពីថ្ងៃចន្ទ បានស្នើសុំឱ្យពលរដ្ឋអាមេរិកចាកចេញពីប្រទេសអ៊ីរ៉ង់ជាបន្ទាន់។ ដើម្បីឆ្លើយតបទៅនឹងសំណួរពាក់ព័ន្ធ អ្នកនាំពាក្យក្រសួងការបរទេសចិន លោកស្រី ម៉ៅ នីង(Mao Ning) បាននិយាយថា ប្រទេសចិនសង្ឃឹមថាប្រទេសអ៊ីរ៉ង់អាចរក្សាស្ថិរភាពជាតិ និងគាំទ្រប្រទេសរបស់ខ្លួនក្នុងកិច្ចខិតខំប្រឹងប្រែងមួយនេះ។

លោកស្រីបានបន្ថែមថា «ប្រទេសចិនតែងតែប្រឆាំងនឹងការជ្រៀតជ្រែកក្នុងកិច្ចការផ្ទៃក្នុងរបស់ប្រទេសដទៃទៀត និងការគំរាមកំហែងនៃការប្រើប្រាស់កម្លាំងក្នុងទំនាក់ទំនងអន្តរជាតិ។ ប្រទេសចិនសង្ឃឹមថាភាគីទាំងអស់នឹងធ្វើអ្វីៗជាច្រើនទៀតដែលអំណោយផលដល់សន្តិភាព និងស្ថិរភាពនៅតំបន់មជ្ឈិមបូព៌ា»៕

ដោយ៖ មូល មិនា (ប្រភព៖ ភីបផលដេលី)