AKP ភ្នំពេញ ថ្ងៃទី០២ ខែមករា ឆ្នាំ២០២៦ -- នៅក្នុងសុន្ទរកថាមួយទៅកាន់ប្រជាជាតិនៅប៉ុន្មានម៉ោងមុនពេលការណែនាំប្រាក់អឺរ៉ូ ដែលបានគ្រោងទុកនៅក្នុងប្រទេសប៊ុលហ្គារីកាលពីពេលថ្មីៗនេះ លោក ឌីមីតារ រ៉ាដេវ (Dimitar Radev) អភិបាលធនាគារជាតិប៊ុលហ្គារី បាននិយាយថា «ប្រាក់អឺរ៉ូមិនមែនគ្រាន់តែជាដំណោះស្រាយសេដ្ឋកិច្ចនោះទេ ហើយក៏មិនមែនគ្រាន់តែជារូបិយប័ណ្ណនោះដែរ វាគឺជាសញ្ញានៃភាពជាកម្មសិទ្ធិ នៅក្នុងលំហនៃច្បាប់រួម ការជឿទុកចិត្ត និងការទទួលខុសត្រូវ»។ លោកក៏បានពិពណ៌នាវាផងដែរថា វាជាសញ្ញាមួយដែលបង្ហាញថា កិច្ចខិតខំប្រឹងប្រែងដែលអ្នកបានធ្វើត្រូវបានទទួលស្គាល់ និងទទួលយក។

លោក រ៉ាដេវ បានរំលឹកថា «រូបិយបណ្ណលីវរបស់ប៊ុលហ្គារី គឺជាអ្វីដែលលើសពីប្រាក់។ ឈ្មោះរបស់វាបានមកពីសត្វតោ ដែលជានិមិត្តសញ្ញាដែលបានអមដំណើររដ្ឋប៊ុលហ្គារីអស់ជាច្រើនសតវត្សមកហើយ»។

លោកបានកត់សម្គាល់ថា «រូបិយបណ្ណលីវនៅតែជាផ្នែកមួយនៃប្រវត្តិសាស្ត្ររបស់យើង និងជាការចងចាំរបស់ជនជាតិប៊ុលហ្គារីគ្រប់ៗជំនាន់។ គ្មាននរណាម្នាក់អាចយកវាទៅណាបានទេ។ វាគ្រាន់តែស្ថិតនៅកន្លែងរបស់វានៅក្នុងរឿងរ៉ាវនៃប្រទេសរបស់យើង ដូចជារូបិយបណ្ណហ្វ្រង់ និងរូបិយបណ្ណលីរ៉ារបស់ប្រជាជនអឺរ៉ុបមួយចំនួនដូច្នោះដែរ»។

យោងតាមលោក រ៉ាដេវ បានឱ្យដឹងថា ប្រាក់អឺរ៉ូមិនរំខានដល់រឿងនេះទេ។

អភិបាលធនាគារ​ BNB រូបនេះបាននិយាយថា «អក្សរប៊ុលហ្គារីរូបភាពរបស់អ្នកជិះសេះម៉ាដារ៉ា, សាំងត៍អ៊ីវ៉ង់ នៃរីឡា និងភែស្វីស នៃហ៊ីលេនដារ នៅលើរូបិយប័ណ្ណអឺរ៉ុបជាការបញ្ជាក់យ៉ាងច្បាស់ថា យើងមិនបោះបង់ចោលខ្លួនឯងទេ។ យើងប្រកាសថា យើងជានរណា»៕

ដោយ៖ យា ចិន្ដាខន្ដី (ប្រភព៖ BTA)