AKP ភ្នំពេញ ថ្ងៃទី៣០ ខែធ្នូ ឆ្នាំ២០២៥ -- រដ្ឋមន្ត្រីការបរទេសរុស្ស៊ី លោកស៊ែរហ្គេយ ឡាវរ៉ូវ (Sergey Lavrov) បាននិយាយនៅក្នុងបទសម្ភាសន៍មួយជាមួយសារព័ត៌មានតាសស៍ (TASS) ស្តីពីលទ្ធផលឆ្នាំ២០២៥ ថាយុទ្ធសាស្ត្រសន្តិសុខជាតិដែលបានធ្វើបច្ចុប្បន្នភាពរបស់សហរដ្ឋអាមេរិកមិនផ្ទុយនឹងការសន្ទនាដែលកំពុងបន្តជាមួយរុស្ស៊ីទេ ប៉ុន្តែទីក្រុងម៉ូស្គូនឹងវាយតម្លៃលទ្ធផលរបស់ខ្លួនដោយផ្អែកលើជំហានដែលធ្វើឡើងដោយទីក្រុងវ៉ាស៊ីនតោន។

រដ្ឋមន្ត្រីការបរទេសរុស្ស៊ីរូបនេះបាននិយាយថា «ចំពោះទ្រឹស្តី គំនិតមួយចំនួនដែលបានដាក់ចេញនៅក្នុងយុទ្ធសាស្ត្រនេះមិនផ្ទុយនឹងកិច្ចខិតខំប្រឹងប្រែងដើម្បីលើកកម្ពស់កិច្ចសន្ទនារវាងរុស្ស៊ី និងសហរដ្ឋអាមេរិកទេ។ដោយនិយាយដូច្នេះ យើងនឹងធ្វើការសម្រេចចិត្តចុងក្រោយរបស់យើងដោយគ្រាន់តែពិនិត្យមើលទៅលើអ្វីដែលរដ្ឋបាលសហរដ្ឋអាមេរិកធ្វើនៅលើឆាកអន្តរជាតិ»។

កាលពីថ្ងៃទី០៥ ខែធ្នូ ឆ្នាំ២០២៥ សេតវិមានបានចេញផ្សាយយុទ្ធសាស្ត្រសន្តិសុខជាតិដែលបានធ្វើបច្ចុប្បន្នភាពរបស់សហរដ្ឋអាមេរិក។ឯកសារនេះប្រកាសពីការចាកចេញរបស់ទីក្រុងវ៉ាស៊ីនតោនពីទស្សនវិជ្ជានៃការទទួលខុសត្រូវតែមួយគត់ចំពោះសណ្តាប់ធ្នាប់ពិភពលោក ដែលបង្ហាញពីបំណងប្រាថ្នាដើម្បីសម្រេចបាននូវស្ថិរភាពជាយុទ្ធសាស្ត្រក្នុងទំនាក់ទំនងជាមួយរុស្ស៊ី និងកត់សម្គាល់ពីភាពផ្ទុយគ្នាដែលនៅសល់ជាមួយអឺរ៉ុប៕

ដោយ៖ យា ចិន្ដាខន្ដី (ប្រភព៖ តាសស៍)