AKP ភ្នំពេញ ថ្ងៃទី២៥ ខែធ្នូ ឆ្នាំ២០២៥ -- យោងតាមប្រភពសន្តិសុខមួយរូបបានឱ្យដឹងថា យ៉ាងហោចណាស់មានមនុស្ស ១០នាក់ត្រូវបានស្លាប់ និងរងរបួសជាច្រើនទៀត បន្ទាប់ពីឧបករណ៍បំផ្ទុះដែលផលិតឡើងដោយមិនបានគ្រោងទុកបានផ្ទុះក្នុងវិហារអ៊ីស្លាមមួយនៅទីក្រុងម៉ៃឌូហ្គូរី ប្រទេសនីហ្សេរីយ៉ា កាលពីល្ងាចថ្ងៃពុធ។

យោងតាមប្រភពសន្តិសុខនៃកិច្ចខិតខំប្រឹងប្រែងជួយសង្គ្រោះបានប្រាប់សារព័ត៌មាន Xinhua ថា អ្នកគោរពបូជាកំពុងធ្វើពិធីអធិស្ឋាននៅម៉ោងប្រហែល ៦:០០នាទីល្ងាច (ម៉ោងក្នុងស្រុក) នៅពេលដែលឧបករណ៍នោះបានផ្ទុះក្នុងវិហារអ៊ីស្លាម Gamboru Main Market ។

ប្រភពបាននិយាយថា ផ្សែងក្រាស់បានហុយឡើងពេញតំបន់បន្ទាប់ពីការផ្ទុះនោះ។ ទាំងប៉ូលីស និងយោធា មិនទាន់បានចេញសេចក្តីថ្លែងការណ៍ជាផ្លូវការណាមួយទាក់ទងនឹងហេតុការណ៍នេះនៅឡើយទេ៕

ដោយ៖ មូល មិនា (ប្រភព៖ ស៊ីនហួ)