AKP ភ្នំពេញ ថ្ងៃទី២២ ខែធ្នូ ឆ្នាំ២០២៥ -- អ្នកនាំពាក្យវិមានក្រឹមឡាំង លោកឌីមីទ្រី ប៉េសកូវ (Dmitry Peskov) បានប្រាប់សារព័ត៌មានស្ពុតនីក(Sputnik) ថា ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin)បានត្រៀមខ្លួនរួចជាស្រេចដើម្បីចូលរួមក្នុងកិច្ចសន្ទនាជាមួយប្រធានាធិបតីបារាំង លោក អេមម៉ានូអ៊ែល ម៉ាក្រុន (Emmanuel Macron) ហើយប្រសិនបើមានឆន្ទៈនយោបាយទៅវិញទៅមក នោះចេតនារបស់មេដឹកនាំបារាំងអាចត្រូវបានវាយតម្លៃវិជ្ជមាន ។

នៅពេលមុននេះ លោក ម៉ាក្រុន បាននិយាយថា វានឹងមានប្រយោជន៍សម្រាប់អឺរ៉ុបក្នុងការបន្តកិច្ចសន្ទនាជាមួយប្រធានាធិបតីរុស្ស៊ីនៅក្នុងសប្តាហ៍ខាងមុខនេះ។

លោកបានបន្ថែមថា កិច្ចសន្ទនាដែលអាចធ្វើទៅបានគួរតែជាការប៉ុនប៉ងដើម្បីយល់ពីគោលជំហររបស់គ្នាទៅវិញទៅមក មិនមែនជាលំហាត់បង្រៀននោះទេ មេដឹកនាំរុស្ស៊ីតែងតែត្រៀមខ្លួនជាស្រេចដើម្បីពន្យល់អំពីគោលជំហររបស់លោកឱ្យបានលម្អិត និងជាប់លាប់។

លោក ម៉ាក្រុន បាននិយាយថា វានឹងមានប្រយោជន៍សម្រាប់អឺរ៉ុបក្នុងការបន្តកិច្ចសន្ទនាជាមួយប្រធានាធិបតីរុស្ស៊ីនៅក្នុងសប្តាហ៍ខាងមុខនេះ។

លោក ប៉េសកូវ បាននិយាយថា «ជាការពិតណាស់ ប្រសិនបើយើងកំពុងនិយាយអំពីកិច្ចសន្ទនា វាមិនគួរជាកិច្ចសន្ទនាអំពីការបង្រៀនគ្នាទៅវិញទៅមកនោះទេ។ វាគួរតែជាកិច្ចសន្ទនាអំពីការយល់ដឹងពីគោលជំហររបស់គ្នាទៅវិញទៅមក។ លោក ពូទីន តែងតែត្រៀមខ្លួនជាស្រេចដើម្បីពន្យល់អំពីគោលជំហររបស់លោកទៅកាន់អ្នកសន្ទនារបស់លោកឱ្យបានលម្អិត ដោយស្មោះស្ម័គ្រ និងជាប់លាប់»៕

ដោយ៖ យា ចិន្ដាខន្ដី (ប្រភព៖ ស្ពុតនីក)