AKP ភ្នំពេញ ថ្ងៃទី១៦ ខែធ្នូ ឆ្នាំ២០២៥ -- ឧបនាយករដ្ឋមន្ត្រីចិន លោក ហេ លីហ្វេង (He Lifeng) បានជួបជាមួយគណៈប្រតិភូម៉ាឡេស៊ីដឹកនាំដោយ លោក អាន់តូនី ឡូក សៀវហ្វូក (Anthony Loke Siew Fook) អគ្គលេខាធិការនៃគណបក្សសកម្មភាពប្រជាធិបតេយ្យ (DAP) និងជារដ្ឋមន្ត្រីក្រសួងដឹកជញ្ជូនម៉ាឡេស៊ី នៅទីក្រុងប៉េកាំង កាលពីថ្ងៃចន្ទ។

លោក ហេ ដែលជាសមាជិកនៃការិយាល័យនយោបាយនៃគណៈកម្មាធិការកណ្តាលបក្សកុម្មុយនិស្តចិន (CPC) បាននិយាយថា ប្រធានាធិបតីចិន លោក ស៊ី ជីនពីង (Xi Jinping) និងនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម (Anwar Ibrahim) បានជួបគ្នាពីរដងចាប់តាំងពីដើមឆ្នាំនេះ ដែលនាំទំនាក់ទំនងទ្វេភាគីទៅកាន់កម្រិតថ្មីមួយ។ លោកបានកត់សម្គាល់ថា ប្រទេសចិនមានឆន្ទៈក្នុងការធ្វើការជាមួយប្រទេសម៉ាឡេស៊ីដើម្បីពង្រឹងកិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមក បង្កើនការរៀនសូត្រទៅវិញទៅមកក្នុងចំណោមអរិយធម៌ លើកកម្ពស់ការអភិវឌ្ឍសកលលោកដោយបើកចំហ និងរួមបញ្ចូល និងបង្កើត «ខួបមាសលើកទី៥០» ថ្មីសម្រាប់ទំនាក់ទំនងចិន-ម៉ាឡេស៊ី។

លោកក៏បានណែនាំគោលការណ៍ដែលបានកំណត់នៅក្នុងសម័យប្រជុំពេញអង្គលើកទី៤ នៃគណៈកម្មាធិការកណ្តាលលើកទី២០ នៃបក្ស CPC។

លោក ឡូក បាននិយាយថា ប្រទេសម៉ាឡេស៊ីមានឆន្ទៈក្នុងការបង្កើនការផ្លាស់ប្តូរអន្តរបក្សជាមួយប្រទេសចិន និងលើកកម្ពស់ការអភិវឌ្ឍជាបន្តបន្ទាប់នៃទំនាក់ទំនងទ្វេភាគី៕

ដោយ៖ មូល មិនា (ប្រភព៖ ភីបផលដេលី)