AKP ភ្នំពេញ ថ្ងៃទី១២ ខែធ្នូ ឆ្នាំ២០២៥ -- រដ្ឋាភិបាលន័រវេសបាននិយាយនៅក្នុងសេចក្តីប្រកាសព័ត៌មានមួយថា នាយករដ្ឋមន្ត្រីន័រវេស លោក ចូណាស់ ហ្គារ ស្ត័រ (Jonas Gahr Store) បានបើកកិច្ចប្រជុំទ្វេភាគីដាច់ដោយឡែកពីគ្នាកាលពីថ្ងៃពុធ ជាមួយប្រធានាធិបតីនៃប្រទេសអេក្វាឌ័រប៉ាណាម៉ា និងប៉ារ៉ាហ្គាយ ដោយពិភាក្សាអំពីស្ថិរភាពក្នុងតំបន់ ពាណិជ្ជកម្មនិងកិច្ចសហប្រតិបត្តិការអន្តរជាតិ។

ក្នុងអំឡុងពេលជួបជាមួយប្រធានាធិបតីអេក្វាឌ័រ លោក ដាញ៉ែល ណូបូអា (Daniel Noboa) ប្រធានាធិបតីប៉ាណាម៉ា លោក ចូសេ រូល មូលីណូ (Jose Raul Mulino) និងប្រធានាធិបតីប៉ារ៉ាហ្គាយ លោក សានទីអាហ្គោ ប៉េណា (Santiago Pena) លោក ស្ត័រ បានលើកឡើងពីទិដ្ឋភាពនយោបាយបច្ចុប្បន្ននៅអាមេរិកឡាទីន ដោយផ្តោតយ៉ាងជាក់លាក់លើប្រទេសវេណេស៊ុយអេឡា។

នាយក​រដ្ឋមន្ត្រី​ន័រវេស​បាន​និយាយ​ថា​ «​ប្រាកដ​ណាស់​អ្នក​រាល់​គ្នា​មាន​ការ​ព្រួយ​បារម្ភ​អំពី​ស្ថានភាព​នៅប្រទេស​វ៉េណេស៊ុយអេឡា ​និង​អនាគត​របស់​ប្រទេសនេះ។ លោក​បញ្ជាក់​ថា នេះ​ជា​ផលប្រយោជន៍​របស់​គ្រប់​ភាគី​ក្នុង​ការ​ស្វែងរក​ដំណោះស្រាយ​យូរអង្វែង​ដែល​គោរព​ច្បាប់​អន្តរជាតិ។

ការពិភាក្សាក៏បានគ្របដណ្តប់លើសារៈសំខាន់នៃការរក្សាប្រព័ន្ធពហុភាគី ក៏ដូចជាកិច្ចសហប្រតិបត្តិការលើការដឹកជញ្ជូនប្រកបដោយសុវត្ថិភាព ការប្រែប្រួលអាកាសធាតុ និងការការពារបរិស្ថាន។

កិច្ចព្រមព្រៀងនេះនឹងធ្វើអោយប្រសើរឡើងនូវលទ្ធភាពទទួលបានទីផ្សារសម្រាប់ការនាំចេញរបស់ប្រទេសន័រវេសទៅកាន់ប្រទេសអាហ្សង់ទីន ប្រេស៊ីល ប៉ារ៉ាហ្គាយ និងអ៊ុយរូហ្គាយ ដោយពន្ធភាគច្រើនលើផលិតផលឧស្សាហកម្ម និងនេសាទនឹងត្រូវដកចេញនៅពេលដែលវាចូលជាធរមាន។​​​ កិច្ចព្រមព្រៀងនេះនឹងបង្កើតឱកាសសម្រាប់អាជីវកម្មរបស់ប្រទេសន័រវេសនៅក្នុងប្រទេសដែលកិច្ចព្រមព្រៀងនេះ។ វាមានសារៈសំខាន់សម្រាប់ក្រុមហ៊ុន និងការងារន័រវេស៕

ដោយ៖ មូល មិនា (ប្រភព៖ ស៊ីនហួ)