AKP ភ្នំពេញ ថ្ងៃទី០៩ ខែធ្នូ ឆ្នាំ២០២៥ -- ប្រទេសចិនបានបាញ់បង្ហោះរ៉ុក្កែតឡុងម៉ាច-៨អេ (Long March-8A) នៅក្នុងខេត្តហៃណានភាគខាងត្បូង ដោយបញ្ជូនផ្កាយរណបអ៊ីនធឺណិតមួយក្រុមទៅកាន់លំហអាកាស។

រ៉ុក្កែតនេះបានហោះឡើងនៅវេលាម៉ោង ៣:៥៣នាទីរសៀលពីកន្លែងបាញ់បង្ហោះយានអវកាសពាណិជ្ជកម្មហៃណាន។ រ៉ុក្កែតនេះបានបាញ់បង្ហោះដោយជោគជ័យ ដែលជាក្រុមផ្កាយរណបអ៊ីនធឺណិតគន្លងទាបទី១៤ ចូលទៅក្នុងគន្លងដែលបានកំណត់ជាមុន។

ត្រូវបានបង្កើតឡើងដោយបណ្ឌិត្យសភាបច្ចេកវិទ្យាយានបាញ់បង្ហោះចិន រ៉ុក្កែត Long March-8A មានប្រវែង ៥០,៥ម៉ែត្រជាមួយនឹងទម្ងន់ហោះឡើង ៣៧១តោន។ រ៉ុក្កែតនេះមានសមត្ថភាពដឹករហូតដល់ ៧តោនទៅកាន់គន្លងស្របគ្នានឹងព្រះអាទិត្យនៅរយៈកម្ពស់ ៧០០គីឡូម៉ែត្រ។

បេសកកម្មនេះជាលើកដំបូងដែលរ៉ុក្កែតស៊េរី Long March-8 បានប្តូរឥន្ធនៈចម្បងរបស់វាពីប្រេងកាតដែលមានមូលដ្ឋានលើប្រេងឥន្ធនៈធម្មតាទៅជាប្រេងកាតដែលមានមូលដ្ឋានលើធ្យូងថ្ម។

បេសកកម្មនេះជាការហោះហើរលើកទី៥ នៃរ៉ុក្កែត Long March-8A និងជាការបាញ់បង្ហោះលើកទី៦១២ នៃរ៉ុក្កែតស៊េរី Long March៕

ដោយ៖ មូល មិនា (ប្រភព៖ ភីបផលដេលី)