AKP ភ្នំពេញ ថ្ងៃទី២៧ ខែវិច្ឆិកា ឆ្នាំ២០២៥ -- យោងតាមការចុះផ្សាយរបស់សារព័ត៌មាន Tunis Afrique Presse បានឱ្យដឹងថា រដ្ឋមន្ត្រីក្រសួងការពារជាតិទុយនីស៊ី លោក ខាលេដ ស៊ីលី (Khaled Shili) បានជួបជាមួយលោក ម៉ូហាមមេដ ប៊ីន អាប់ឌុលរ៉ាហ៍ម៉ាន់ អាល់ ហ្គារីប៊ី (Mohammed bin Abdulrahman Al-Gharibi) ប្រធានបុគ្គលិកនៃកងកម្លាំងកងទ័ពជើងទឹករាជវង្សអារ៉ាប៊ីសាអូឌីត នៅទីក្រុងទុយនីស ដើម្បីពិភាក្សាអំពីការជំរុញកិច្ចសហប្រតិបត្តិការយោធា។

លោក ស៊ីលី បានគូសបញ្ជាក់ពីចំណងមិត្តភាពទ្វេភាគីដ៏រឹងមាំ និងបានសន្យាថានឹងពង្រីកកិច្ចសហការក្នុងការបណ្តុះបណ្តាល សន្តិសុខដែនសមុទ្រការចែករំលែកព័ត៌មានស៊ើបការណ៍សម្ងាត់ និងការផ្លាស់ប្តូរកងទ័ពជើងទឹក។

លោក ស៊ីលី បានសង្កត់ធ្ងន់លើការពង្រីកកិច្ចសហប្រតិបត្តិការក្នុងការបណ្តុះបណ្តាល សន្តិសុខដែនសមុទ្រ និងការផ្លាស់ប្តូរដំណើរទស្សនកិច្ច និងជំនាញរវាងកងទ័ពជើងទឹកទាំងពីរ។ លោកក៏បានកត់សម្គាល់ពីការរៀបចំសម្រាប់គណៈកម្មការយោធារួមទុយនីស៊ី-អារ៉ាប៊ីសាអូឌីតលើកទី៦ នៅក្នុងខែធ្នូផងដែរ។

លោក អាល់ ហ្គារីប៊ី បានស្វាគមន៍ចំពោះកិច្ចសហប្រតិបត្តិការ និងបានបញ្ជាក់ជាថ្មីនូវការប្តេជ្ញាចិត្តរបស់ប្រទេសអារ៉ាប៊ីសាអូឌីតក្នុងការពង្រឹងការសម្របសម្រួលយោធាជាមួយប្រទេសទុយនីស៊ី៕

ដោយ៖ មូល មិនា (ប្រភព៖ ស៊ីនហួ)