AKP កំពង់ចាម ថ្ងៃទី០៧ ខែវិច្ឆិកា ឆ្នាំ២០២៥---
ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា នៅថ្ងៃទី៧ ខែវិច្ឆិកា ឆ្នាំ២០២៥ បានដឹកនាំក្រុមការងារ អញ្ជើញចុះពិនិត្យវឌ្ឍនភាពនៃការសាងសង់អគារសិក្សាថ្មី ១ខ្នង កម្ពស់ ២ជាន់ ស្ទើរនឹង ១២បន្ទប់ និង ទីចាច់ការ ១ខ្នង ដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ ព្រះរាជាណាចក្រកម្ពុជា និងលោកជំទាវ ពេជ្រ ចន្ទមុន្នី ផ្តល់ជូនដល់ វិទ្យាល័យ ហ៊ុន សែន អារក្សត្នោត ក្នុងឃុំ អារក្សត្នោត ស្រុកស្ទឹងត្រង់​ ខេត្ត កំពង់ចាម។

      ក្នុងឱកាសចុះពិនិត្យដោយផ្ទាល់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាមបានធ្វើការណែនាំដល់ក្រុមការងារនៃការសាងសង់ ត្រូវជម្រុញការសាងសង់ ធ្វើយ៉ាងណាទៅតាមបទដ្ឋានបច្ចេកទេសនៃសំណង់ ប្រកបដោយ គុណភាពខ្ពស់ធានាបានយូរអង្វែង បំរើដល់ការសិក្សារបស់ កូនចៅប្រជា ពលរដ្ឋយើង នៅក្នុងមូលដ្ឋាន។អាជ្ញាធ គ្រប់លំដាប់ថ្នាក់ក្នុងស្រុកស្ទឹងត្រង់ក៏ដូចជាបងប្អូនប្រជាពលរដ្ឋ បានសម្តែងនូវការ ថ្លែងអំណរគុណដល់សម្តេចមហាបវរធិបតី ហ៊ុន ម៉ាណែត និងលោកជំទាវ ពេជ្រ ចន្ទមុន្នី ដែល បានផ្តល់នូវសមិទ្ធផលថ្មីមួយនេះ គឺអគារសិក្សា ១ខ្នង ២ជាន់ ស្ទើរនឹង ១២បន្ទប់ និង ទីចាច់ការ ១ខ្នង សម្រាប់បម្រើដល់វិស័យអប់រំ ក៏ដូចជាបណ្តុះបណ្តាលធនធានមនុស្ស ដែលជាទំពាំងស្នងឫស្សីសម្រាប់ប្រទេសជាតិ។

     តាមការបញ្ជាក់របស់គណៈកម្មការសាលា ការសាងសង់ បច្ចុប្បន្នអគារទាំងពីរ សម្រេចបានបានប្រមាណជិត ៩០% ហើយ។វិទ្យាល័យ ហ៊ុន សែន អារក្សត្នោត មានបុគ្គលិកសរុប ២៨នាក់ ក្នុងនោះ​ផ្នែកបឋមភូមិមានបុគ្គលិកសរុប ១៧នាក់ និងផ្នែកទុទិយភូមិ មានបុគ្គលិកសរុប ៩នាក់ ។ សិស្សានុសិស្សសរុប ៨៥១នាក់ ថ្នាក់រៀនសរុប ១៦ថ្នាក់ និងបែងចែកជា ២វេនសិក្សា គឺផ្នែកមឋមភូមិ​ ១វេន និងផ្នែកទុតិយភូមិ​ ១វេន។ ក្រោយការសាងសង់ឲ្យបានរួចរាល់ជាស្ថាពរនាពេលខាងដ៏ខ្លីខាងមុខដើម្បី ដាក់ឲ្យដំណើរការសិក្សា ដោយមានបន្ទប់សិក្សាគ្រប់គ្រាន់ សម្រាប់សិស្សានុសិស្ស សិក្សារៀនសូត្រ នឹងលែង ជួយលំបាកដូចគ្រាកន្លងមកទៀតហើយ ៕

ដោយ៖ ឆាយ ម៉ុត