AKP ភ្នំពេញ ថ្ងៃទី២៤ ខែតុលា ឆ្នាំ២០២៥ -- អគ្គនាយកដ្ឋានសេវាសុខភាព(DGHS) ក្រោមក្រសួងសុខាភិបាល បាននិយាយថា មនុស្សសរុបចំនួន៨១៤នាក់ត្រូវបានគេធ្វើរោគវិនិច្ឆ័យថាមានជំងឺគ្រុនឈាមនៅក្នុងប្រទេសបង់ក្លាដែសក្នុងរយៈពេល ២៤ម៉ោងកន្លងមកនេះ។

អគ្គនាយកដ្ឋាន DGHS បាននិយាយថា ជាមួយនឹងការឆ្លងថ្មីដែលបានរាយការណ៍ពីចំនួនករណីគ្រុនឈាមបានកើនឡើងដល់ ៦១.៦០៥ករណីនៅក្នុងប្រទេសបង់ក្លាដែសរហូតមកដល់ពេលនេះក្នុងឆ្នាំនេះ។

អគ្គនាយកដ្ឋាន DGHS បាននិយាយថា ក្នុងរយៈពេលដូចគ្នានេះដែរមនុស្ស ៤នាក់បានស្លាប់ដោយសារជំងឺដែលឆ្លងតាមមូសដែលធ្វើឱ្យចំនួនសរុបនៃការស្លាប់ដែលទាក់ទងនឹងជំងឺគ្រុនឈាមនៅឆ្នាំនេះកើនដល់២៥៣នាក់។

អគ្គនាយកដ្ឋាន DGHS បានបញ្ជាក់ថា រហូតមកដល់ពេលនេះក្នុងខែតុលាមានករណីគ្រុនឈាមចំនួន ១៤.២៦៣ករណីត្រូវបានកត់ត្រាបន្ទាប់ពីមនុស្ស ១៥.៨៦៦នាក់បានឆ្លងជំងឺនេះក្នុងខែកញ្ញា។

អគ្គនាយកដ្ឋាន DGHS បាននិយាយថា ខណៈពេលដែលមានអ្នកស្លាប់ចំនួន ៥៥នាក់ត្រូវបានរាយការណ៍រហូតមកដល់ពេលនេះក្នុងខែតុលាមានអ្នកស្លាប់ចំនួន ៧៦នាក់ក្នុងខែកញ្ញា និង ៣៩នាក់ក្នុងខែសីហា៕

ដោយ៖ មូល មិនា (ប្រភព៖ ភីបផលដេលី)