AKP ភ្នំពេញ ថ្ងៃទី២០ ខែតុលា ឆ្នាំ២០២៥ -- នាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃថៃ លោក អានូទីន ចាន់វីរ៉ាគុល (Anutin Charnvirakul) បាននិយាយថា រដ្ឋាភិបាលថ្មីនឹងពង្រឹងកិច្ចសហប្រតិបត្តិការគ្រប់ជ្រុងជ្រោយជាមួយប្រទេសចិន។

លោក អានូទីន បាន​ធ្វើ​ការ​កត់សម្គាល់​នេះ​ក្នុង​ពេល​ជួប​ជាមួយ​ឯកអគ្គរដ្ឋទូត​ចិន​ប្រចាំ​នៅ​ប្រទេស​ថៃ លោក ហ្សាង ចៀនវៃ (Zhang Jianwei)។

លោកនាយករដ្ឋមន្ត្រីបានកោតសរសើរចំពោះការអភិវឌ្ឍទំនាក់ទំនងថៃ-ចិន ដោយលោកបានកត់សម្គាល់ថា ឆ្នាំនេះជាខួបលើកទី៥០ នៃការបង្កើតទំនាក់ទំនងការទូតរវាងប្រទេសទាំងពីរ។ លោកបានមានប្រសាសន៍ថា រដ្ឋាភិបាលថ្មីនឹងធ្វើការដើម្បីជំរុញទំនាក់ទំនងទ្វេភាគីបន្ថែមទៀត និងការរឹតចំណងមិត្តភាពរវាងប្រជាជនទាំងពីរ។

លោក ហ្សាង បាននិយាយថា ប្រទេសចិនបានត្រៀមខ្លួនរួចជាស្រេចក្នុងការធ្វើការជាមួយប្រទេសថៃ ដើម្បីពង្រឹងកិច្ចសហប្រតិបត្តិការដែលមានផលប្រយោជន៍ទៅវិញទៅមក បង្កើនការសម្របសម្រួលពហុភាគី និងសម្រេចបាននូវវឌ្ឍនភាពថ្មីក្នុងការកសាងសហគមន៍មួយដែលមានអនាគតរួមគ្នារវាងប្រទេសចិន និងថៃ៕

ដោយ៖ មូល មិនា (ប្រភព៖ ភីបផលដេលី)