AKP ភ្នំពេញ ថ្ងៃទី១៩ ខែកញ្ញា ឆ្នាំ២០២៥ --ក្នុងពិធីបើកពិព័រណ៍ចិន–អាស៊ានលើកទី២២ និងកិច្ចប្រជុំកំពូលពាណិជ្ជកម្ម និងវិនិយោគចិន–អាស៊ាន នៅទីក្រុងណាននីង តំបន់ស្វយ័តក្វាងស៊ី សាធារណរដ្ឋប្រជាមានិតចិន កាលពីថ្ងៃទី១៧ ខែកញ្ញា ឆ្នាំ២០២៥ លោក ឈិន កាង មន្ត្រីដឹកនាំខ្ពស់របស់តំបន់ស្វយ័តក្វាងស៊ី បានបង្ហាញបច្ចេកវិទ្យាថ្មីមួយ ដែលបានទាក់ទាញចំណាប់អារម្មណ៍យ៉ាងខ្លាំងពីអ្នកចូលរួម ដែលការបង្ហាញនេះបានបង្កើតការសាទរទាំងសំឡេងទះដៃ និងសំណើចរីករាយនោះ គឺ ក្នុងវ៉ែនតា AI ។

ក្នុងអំឡុងពិព័រណ៍នេះ តំបន់តាំងបច្ចេកវិទ្យារបស់ក្រុមហ៊ុន Maiyue Technology របស់ក្វាងស៊ី បានក្លាយជាគន្លងទស្សនាដ៏ពេញនិយមបំផុត។ អ្នកចូលរួមក៏ដូចជាអ្នកសារព័ត៌មានបានឃើញថា លក្ខណៈពិសេសបំផុតនៃវ៉ែនតា AI គឺមុខងារ បកប្រែភាសា ដែលអាចបកប្រែបានលើសពី ១០០ ភាសា ដោយមានភាពត្រឹមត្រូវក្នុងការទទួលស្គាល់ភាសារបស់ប្រទេសអាស៊ានទាំង១០ កាន់តែខ្ពស់ដល់ទៅ ៩០%។

បើតាមលោក ឈិន កាង នៅពេលពាក់វ៉ែនតានេះ បានធ្វើឱ្យកម្មវិធី «AI ក្លាយជាតួឯកសំខាន់» ក្នុងពិព័រណ៍កាន់តែចាប់អារម្មណ៍។
ជាមួយគ្នានេះដែរ សម្រាប់ លោក លី ដែលអ្នកចូលរួមតាំងពិព័រណ៍មកពីសិង្ហបុរី បាននិយាយថា៖ «ពេលមន្ត្រីដឹកនាំខ្ពស់របស់ក្វាងស៊ីចូលរួមបង្ហាញបច្ចេកវិទ្យាដោយខ្លួនឯង មានអានុភាព និងមានប្រសិទ្ធភាពខ្លាំងជាងឯកសារផ្សព្វផ្សាយណាមួយ។ នេះជាកម្លាំងដ៏សំខាន់ក្នុងការជំរុញឱ្យឧស្សាហកម្ម AI របស់ក្វាងស៊ី រីកចម្រើនបន្ថែមទៀត»។

សូមជម្រាបជូនថា ចាប់ពីវ៉ែនតា AI រហូតដល់ឧស្សាហកម្ម និងអនាគតនៃកិច្ចសហប្រតិបត្តិការចិន–អាស៊ាន ការបង្ហាញនេះត្រូវបានចាត់ទុកថា ជា«អាកប្បកិរិយាក្វាងស៊ី»ថ្មីមួយ ក្នុងវ៉ែនតា AI៕

ដោយ៖ រិទ្ធី