AKP ភ្នំពេញ ថ្ងៃទី០៤ ខែកញ្ញា ឆ្នាំ២០២៥ -- ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) និងមេដឹកនាំកូរ៉េខាងជើង លោក គីម ជុងអ៊ុន (Kim Jong Un) បានជួបប្រជុំទ្វេភាគីនៅទីក្រុងប៉េកាំង។

មេដឹកនាំទាំងពីរ គឺជាភ្ញៀវកិត្តិយសនៅឯពិធីប្រារព្ធខួបលើកទី៨០ នៃជ័យជំនះក្នុងសង្គ្រាមប្រជាជនចិននៃការតស៊ូប្រឆាំងនឹងការឈ្លានពានរបស់ជប៉ុន និងសង្រ្គាមប្រឆាំងហ្វាស៊ីសពិភពលោក។ លោក ពូទីន និងលោក គីម បានឆ្លៀតឱកាសនោះដើម្បីបើកកិច្ចប្រជុំទ្វេភាគី។ កិច្ចពិភាក្សានោះត្រូវបាន​ធ្វើឡើង​នៅក្នុង​ផ្ទះស្នាក់​រដ្ឋ Diaoyutai ជា​កន្លែង​ដែល​លោកប្រធានាធិបតី​រុស្ស៊ី​​ស្នាក់នៅ​ក្នុងអំឡុង​ពេលនៃការ​បំពេញ​ទស្សនកិច្ច​របស់​លោកនៅប្រទេសចិន៕

ដោយ: យា ចិន្តាខន្តី (ប្រភព៖ តាសស៍)