AKP ក្វាងស៊ី ថ្ងៃទី០២ ខែកញ្ញា ឆ្នាំ២០២៥ -- នៅក្នុងរដូវឆ្នាំ២០២៤/២០២៥ក្រុមហ៊ុនស្ករសអាស៊ីបូព៌ាណាននីងក្វាងស៊ី (East Asia Sugar) បានកែច្នៃអំពៅចំនួន ៨,២លានតោន ដោយបានផលិតស្ករបាន ១,០៥លានតោន និងបានបង្កើតប្រាក់ចំណូលបានចំនួន ៤,២ពាន់លានយន់ដល់កសិករដាំអំពៅ។ក្រុមហ៊ុននេះមានបុគ្គលិកជាង ៣.៣០០នាក់ ដោយបង្កើតការងារបានជាង៦.៨០០ និងរក្សាភាពជាដៃគូយ៉ាងរឹងមាំជាមួយកសិករដាំអំពៅជាង១០០.០០០នាក់។ ការប្តេជ្ញាចិត្តចំពោះការបង្កើតថ្មី ក្រុមហ៊ុនស្ករសអាស៊ីបូព៌ាមានយន្តការទំនើប ប្រព័ន្ធធារាសាស្រ្ត និងកសិកម្មខ្នាតធំ ប្រើប្រាស់បច្ចេកវិទ្យាទំនើបៗ និងសម្រេចបាននូវវិញ្ញាបនប័ត្រកម្រិតខ្ពស់ ដោយធានាបាននូវផលិតផលដែលមានសុវត្ថិភាព សុទ្ធ និងគុណភាពពិសេស។

លើសពីស្ករស ក្រុមហ៊ុននេះបានបង្កើនតម្លៃនៃផលិតផលអនុផលមួយចំនួនទៀត ដូចជា កាកអំពៅ ស្កររងូ និងស្លឹកអំពៅ ពង្រីកខ្សែសង្វាក់ឧស្សាហកម្មរបស់ខ្លួន និងឆ្ពោះទៅរកផលិតផលបន្ថែមតម្លៃខ្ពស់។ ដោយទស្សនវិជ្ជានៃទំនួលខុសត្រូវសង្គម និងគោលការណ៍នៃ «ឧស្សាហកម្មចិញ្ចឹមកសិកម្ម» ក្រុមហ៊ុនស្ករសអាស៊ីបូព៌ាជួយយ៉ាងសកម្មដល់ការរស់ឡើងវិញនៅតាមជនបទ ការកាត់បន្ថយភាពក្រីក្រ និងកំណើនសេដ្ឋកិច្ចប្រកបដោយចីរភាពនៅក្នុងសហគមន៍មូលដ្ឋាន។

ដោយត្រូវបានបង្កើតឡើងនៅក្នុងឆ្នាំ១៩៩៣ ក្នុងនាមជាក្រុមហ៊ុនបណ្តាក់ទុនរួមគ្នារវាងក្រុមហ៊ុន Mitr Phol Group និងរោងចក្រផលិតស្កររបស់រដ្ឋ នៅក្នុងទីក្រុងចុងចូវ ក្រុមហ៊ុនស្ករសអាស៊ីបូព៌ាណាននីងក្វាងស៊ីបានរីកចម្រើនក្លាយទៅជាសហគ្រាសរួមបញ្ចូលគ្នាឈានមុខគេនៅក្នុងឧស្សាហកម្មស្ករ។ សព្វថ្ងៃនេះ ក្រុមហ៊ុនបានដំណើរការក្រុមហ៊ុនបុត្រសម្ព័ន្ធចំនួន១៧ ដែលផ្តោតសំខាន់ទៅលើការផលិតស្ករ ការផលិតថាមពលជីវៈម៉ាស ជី ចំណីសត្វ បច្ចេកវិជ្ជាកសិកម្ម និងពាណិជ្ជកម្ម ដែលបង្កើតបានជាសេដ្ឋកិច្ចរង្វង់ពេញមួយវដ្តដោយផ្តល់នូវផលិតផលបុព្វលាភ និងសេវាកម្មដ៏ទូលំទូលាយទៅកាន់ទីផ្សារទូទាំងប្រទេស៕

ដោយ៖ យា ចិន្ដាខន្ដី