AKP ភ្នំពេញ ថ្ងៃទី០១ ខែកញ្ញា ឆ្នាំ២០២៥ -- កីឡាករជិះកង់ជនជាតិស៊ែប៊ីលោក អូកជែន អ៊ីលីក (Ognjen Ilic) ដែលជិះកង់សម្រាប់ក្រុមបូរ៉ាក់ កាកាក់ (Borac Cacak) បានឈ្នះពានរង្វាន់នៃដំណើរទេសចរណ៍ប៊ុលហ្គារីលើកទី៧២ កាលពីថ្ងៃសៅរ៍សប្តាហ៍មុន។ លោក អ៊ីលីក បានជិះកង់ចម្ងាយ៣,៥គីឡូម៉ែត្រក្នុងរមណីយដ្ឋានសមុទ្រខ្មៅ នៅទីក្រុងព្រីម៉ូស្កូរបស់ប្រទេសប៊ុលហ្គារីសម្រាប់រយៈពេល ០៤:២១នាទី។

កីឡាករ ហ្វឺលីច ហ្រ្កូស (Felix Gross) របស់អាល្លឺម៉ង់ បានបញ្ចប់ការជិះកង់របស់ខ្លួនសម្រាប់ថេរៈវេលា ៣០០វិនាទី តាមពីក្រោយកីឡាករ អ៊ីលីកដែលដណ្តើមបានចំណាត់ថ្នាក់លេខ២។ កីឡាករ នីគីហ្វូរ៉ូស អាវ៉ានីទូ (Nikiforos Arvanitou) របស់ក្រិក បានបញ្ចប់ក្នុងថេរៈវេលាដូចគ្នានឹងកីឡាករ ហ្រ្កូស ដែរ ប៉ុន្តែលោកបានជាប់ចំណាត់ថ្នាក់លេខ៣។

កីឡាករ​ប៊ុលហ្គារីដែលបានចូលរួមការប្រកួតប្រណាំងកង់នេះ ហើយទទួលបានចំណាត់ល្អជាងគេ គឺកីឡាករ ម៉ាទីន ប៉ាប៉ាណូវ (Martin Papanov) ដែល​បាន​បញ្ចប់ការប្រកួត​ក្នុង​ចំណាត់​ថ្នាក់​លេខ២៧។

កីឡាករជិះកង់ជាង ១២០នាក់មកពី ២០ប្រទេសនៅក្នុងទ្វីបចំនួន៣ បានចូលរួមក្នុងព្រឹត្តិការណ៍ទេសចរណ៍ប៊ុលហ្គារី។ ការ​ប្រណាំងកង់​នេះ​រត់នៅ​លើ​ផ្លូវ​ចម្រុះ ​និង​ស្រស់​ស្អាត​នៃ​តំបន់ឆ្នេរ ភ្នំ និង​វាលទំនាប៕

ដោយ៖ យា ចិន្ដាខន្ដី (ប្រភព៖ BTA)