AKP ភ្នំពេញ ថ្ងៃទី២៨ ខែសីហា ឆ្នាំ២០២៥ -- កងទ័ពកូរ៉េខាងត្បូងបាននិយាយកាលពីថ្ងៃពុធថា ខ្លួន និងសហរដ្ឋអាមេរិកបានធ្វើសមយុទ្ធឆ្លងកាត់ទន្លេរួមគ្នាក្នុងសប្តាហ៍នេះ រួមជាមួយនឹងសមយុទ្ធនៅរដូវក្តៅប្រចាំឆ្នាំរបស់ពួកគេក្នុងគោលបំណងដើម្បីបង្កើននូវជំហរការពាររួមបញ្ចូលគ្នា។

សមយុទ្ធរយៈពេល ៣ថ្ងៃបានចាប់ផ្ដើមកាលពីថ្ងៃចន្ទ នៅជិតទន្លេណាមហាន ក្នុងតំបន់ Yeoju មានចម្ងាយប្រហែល ៦៥គីឡូម៉ែត្រភាគអាគ្នេយ៍នៃទីក្រុងសេអ៊ូល ដោយមានការចូលរួមពីកងទ័ពប្រហែល៣០០នាក់ និងសម្ភារចំនួន ១៥០ឈុត រួមទាំងរថយន្ត KM3 និងប្រព័ន្ធកសាងស្ពាន។

ក្នុងអំឡុងពេលនៃសមយុទ្ធនេះ កងទ័ពមកពីកងពលតូចវិស្វករទី៧របស់ប្រទេសកូរ៉េខាងត្បូង និងកងពលធំថ្មើរជើងទី២ របស់សហរដ្ឋអាមេរិកបានសាងសង់ស្ពានអណ្តែតទឹកប្រវែង ២៨០ម៉ែត្រ មុនពេលឆ្លងកាត់ទន្លេយ៉ាងលឿនដើម្បីបញ្ចប់សមយុទ្ធ។

ការផ្លាស់ប្តូរនេះបានកើតឡើងនៅពេលដែលទីក្រុងសេអ៊ូល និងទីក្រុងវ៉ាស៊ីនតោនបាននឹងកំពុងរៀបចំសមយុទ្ធ Ulchi Freedom Shield ចាប់តាំងពីថ្ងៃទី១៨ ខែសីហា សម្រាប់ការរត់រយៈពេល ១១ថ្ងៃ៕

ដោយ៖ មូល មិនា (ប្រភព៖ យ៉ុនហាប់)