AKP ភ្នំពេញ ថ្ងៃទី២២ ខែសីហា ឆ្នាំ២០២៥ -- រដ្ឋមន្ត្រីការបរទេសហុងគ្រីលោក Peter Szijjarto បាននិយាយនៅលើ YouTube ថា ប្រទេសហុងគ្រីបានស្នើម្តងហើយម្តងទៀតដើម្បីធ្វើជាម្ចាស់ផ្ទះកិច្ចប្រជុំកំពូលនៅទីក្រុងBudapest សម្រាប់ប្រទេសរុស្ស៊ី និងអ៊ុយក្រែន ដើម្បីដោះស្រាយជម្លោះទីក្រុងនេះគឺជាកន្លែងសមរម្យសម្រាប់កិច្ចប្រជុំបែបនេះ។

ដោយអត្ថាធិប្បាយទៅលើរបាយការណ៍ដែលថាទីក្រុងប៊ូដាប៉េសកំពុងត្រូវបានចាត់ទុកថាជាកន្លែងដ៏មានសក្តានុពលសម្រាប់កិច្ចពិភាក្សារវាងប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) និងលោក វ្ល៉ាឌីមៀ ហ្សេលេនស្គី (Vladimir Zelensky) ក៏ដូចជាមេដឹកនាំសហរដ្ឋអាមេរិក លោក ដូណាល់ ត្រាំ (Donald Trump) អ្នកការទូតកំពូលរូបនោះបាននិយាយថា «វាសមហេតុផលក្នុងការធ្វើអត្ថាធិប្បាយទៅលើរបាយការណ៍ និងពាក្យចចាមអារ៉ាមបែបនេះ ប្រសិនបើពួកគេមានភាពជឿជាក់»។

លោក ហ្ស៊ីជចាតូ (Szijjarto) បានរំលឹកថា រដ្ឋាភិបាលហុងគ្រីបានផ្តល់ទីតាំងក្នុងទឹកដីរបស់ខ្លួនម្តងហើយម្តងទៀតសម្រាប់កិច្ចចរចាររវាងរុស្ស៊ី និងអ៊ុយក្រែន ហើយការផ្តល់ជូននេះនៅតែមានសុពលភាព។ រដ្ឋមន្ត្រីការបរទេសហុងគ្រីបានសង្កត់ធ្ងន់ថា «អនុញ្ញាតឱ្យពួកយើងដឹងយ៉ាងហោចណាស់មួយម៉ោងមុនពេលការមកដល់របស់អ្នក ហើយយើងនឹងត្រៀមខ្លួនរួចជាស្រេចដើម្បីធានាលក្ខខណ្ឌយុត្តិធម៌ សុវត្ថិភាព និងសមភាពសម្រាប់ភាគីទាំងអស់នៅក្នុងប្រទេសហុងគ្រី»៕

ដោយ៖ យា ចិន្ដាខន្ដី (ប្រភព៖ តាសស៍)