AKP ភ្នំពេញ ថ្ងៃទី១៩ ខែសីហា ឆ្នាំ២០២៥ -- ក្រសួងមហាផ្ទៃបាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា ប៉ូលិសប្រឆាំងគ្រឿងញៀនអាហ្វហ្គានីស្ថានបានចាប់ខ្លួនអ្នករត់ពន្ធគ្រឿងញៀនចំនួន ១៦នាក់ និងរឹបអូសបានថ្នាំញៀនចំនួន ៨៧២គីឡូក្រាមនៅក្នុងខេត្តហេរ៉ាត់ ភាគខាងលិចប្រទេសអាហ្វហ្គានីស្ថានកាលពីសប្តាហ៍មុននេះ។

យោងតាមសេចក្តីថ្លែងការណ៍បានឱ្យដឹងថា ការរឹបអូសរួមមានអាភៀនហេរ៉ូអ៊ីន ហាស៊ីស និងគ្រាប់ថ្នាំរំញោចត្រូវបានធ្វើឡើងក្នុងអំឡុងពេលប្រតិបត្តិការជាប្រចាំនៅទីក្រុងហេរ៉ាត់ ទីរួមខេត្ត និងស្រុកនៅជុំវិញ។

រដ្ឋាភិបាលបណ្តោះអាសន្នអាហ្វហ្គានីស្ថានបានបង្កើនកិច្ចខិតខំប្រឹងប្រែងរបស់ខ្លួនក្នុងការប្រយុទ្ធប្រឆាំងនឹងគ្រឿងញៀនខុសច្បាប់ និងការជួញដូរដោយសន្យាលុបបំបាត់ការដាំដុះអាភៀន និងការផលិតសារធាតុដែលទាក់ទងនឹងហេរ៉ូអ៊ីន ដើម្បីធ្វើឱ្យប្រទេសនេះគ្មានគ្រឿងញៀន៕

ដោយ៖ មូល មិនា (ប្រភព៖ ស៊ីនហួ)