AKP ភ្នំពេញ ថ្ងៃទី០១ ខែសីហា ឆ្នាំ២០២៥ -- រដ្ឋមន្ត្រីក្រសួងទេសចរណ៍ និងវត្ថុបុរាណរបស់ប្រទេសហ្ស៊កដានី លោកស្រី លីណា អានណាប់ (Lina Annab) បាននិយាយថា ប្រទេសនេះកំពុងស្វែងរកការទាក់ទាញភ្ញៀវទេសចរចិនបន្ថែមទៀត ចំពេលមានការខិតខំប្រឹងប្រែងជាបន្តបន្ទាប់ដើម្បីផ្សព្វផ្សាយការផ្តល់ទេសចរណ៍ពិសេសរបស់ខ្លួន។

លោកស្រី អានណាប់ បានប្រាប់សារព័ត៌មាន Xinhua ថា «ប្រទេសចិនគឺជាទីផ្សារទេសចរណ៍ដ៏សំខាន់បំផុតមួយនៅទូទាំងពិភពលោក និងសម្រាប់យើង»។ «យើងកំពុងទាក់ទាញភ្ញៀវទេសចរចិនយ៉ាងសកម្ម ហើយបានចាប់ផ្តើមយុទ្ធនាការដើម្បីរំលេចបទពិសោធន៍ជាច្រើនដែលប្រទេសហ្សកដានីអាចផ្តល់ជូនបាន»។

លោកស្រី អានណាប់ បានធ្វើការកត់សម្គាល់នៅខាងក្រៅសន្និសីទសារព័ត៌មានអំពីព្រឹត្តិការណ៍ desert ultramarathon ដែលបានគ្រោងទុកចាប់ពីថ្ងៃទី១ ដល់ថ្ងៃទី៨ ខែវិច្ឆិកា នៅទីក្រុងវ៉ាឌីរូម នៃប្រទេសហ្ស៊កដានី។

លោកស្រីបាននិយាយថា «ឥឡូវនេះយើងកំពុងធ្វើការជាមួយក្រុមហ៊ុនអាកាសចរណ៍ជាតិរបស់យើង» ដើម្បីបង្កើនការតភ្ជាប់ជាមួយប្រទេសចិន ដោយលោកស្រីបានបន្ថែមថា ការទាក់ទាញភ្ញៀវចិនគឺជាផ្នែកមួយនៃផែនការរយៈពេលវែងសម្រាប់ប្រទេសហ្ស៊កដានី។ «នេះ​មិន​មែន​ជា​ការ​ប្រឹងប្រែង​តែ​មួយ​ទេ។ វា​គឺ​ជា​ការ​ខិត​ខំ​ប្រកប​ដោយ​និរន្តរភាព»៕

ដោយ៖ មូល មិនា (ប្រភព៖ ស៊ីនហួ)