AKP ភ្នំពេញ ថ្ងៃទី០១ ខែសីហា ឆ្នាំ២០២៥ -- ប្រធានាធិបតីរវ៉ាន់ដា លោក ភូល កាហ្គាមេ (Paul Kagame) បាននិយាយថា ប្រទេសចិនគឺជាមិត្តដ៏ល្អ ហើយលោកទន្ទឹងរង់ចាំការពង្រឹងទំនាក់ទំនងមិត្តភាពប្រពៃណី និងកិច្ចសហប្រតិបត្តិការជាក់ស្តែងរវាងប្រទេសទាំងពីរ។

លោក​បាន​ធ្វើ​ការ​កត់​សម្គាល់​នៅ​ពេល​ទទួល​លិខិត​សរសើរ​ពី ​លោក ហ្គៅ វិនឈី (Gao Wenqi) ឯកអគ្គរដ្ឋទូត​ចិន​ថ្មី​ប្រចាំ​ប្រទេស​រវ៉ាន់ដា។

លោក កាហ្គាមេ បាននិយាយថា រដ្ឋាភិបាល និងប្រជាជនរវ៉ាន់ដានឹងផ្តល់ការគាំទ្រ និងការសម្របសម្រួលពេញលេញសម្រាប់លោក ហ្គៅ ដើម្បីបំពេញកាតព្វកិច្ចរបស់លោក។

លោក ហ្គៅ បានកត់សម្គាល់ថា ក្រោមការណែនាំជាយុទ្ធសាស្ត្ររបស់ប្រមុខរដ្ឋទាំងពីរ ទំនាក់ទំនងចិន-រវ៉ាន់ដា ត្រូវបានលើកកម្ពស់ទៅជាភាពជាដៃគូយុទ្ធសាស្ត្រគ្រប់ជ្រុងជ្រោយ ដែលបង្ហាញពីកិច្ចសហប្រតិបត្តិការប្រកបដោយផ្លែផ្កាលើគ្រប់វិស័យ។

ឯកអគ្គរដ្ឋទូតចិនបានបន្ថែមថា ប្រទេសចិនត្រៀមខ្លួនជាស្រេចក្នុងការធ្វើការរួមគ្នាជាមួយភាគីរវ៉ាន់ដា ដើម្បីក្នុងការបង្កើនទំនុកចិត្តគ្នាទៅវិញទៅមកផ្នែកនយោបាយ និងជំរុញកិច្ចសហប្រតិបត្តិការជាក់ស្តែង ហើយផ្តល់ផលប្រយោជន៍ជាក់ស្តែងបន្ថែមទៀតដល់ប្រជាជនទាំងពីរ៕

ដោយ៖ មូល មិនា (ប្រភព៖ ភីបផលដេលី)