AKP ភ្នំពេញ ថ្ងៃទី២៩ ខែកក្កដា ឆ្នាំ២០២៥ -- ទីភ្នាក់ងារថាមពលបរមាណូអន្តរជាតិ (IAEA) ដែលជាអង្គការឃ្លាំមើលនុយក្លេអ៊ែររបស់អង្គការសហប្រជាជាតិនឹងធ្វើទស្សនកិច្ចទៅកាន់ប្រទេសអ៊ីរ៉ង់ក្នុងរយៈពេលពីរសប្តាហ៍ខាងមុខ។ នេះបើយោងតាមអ្នកនាំពាក្យក្រសួងការបរទេសអ៊ីរ៉ង់លោក អេសស្មែល បាហ្គាអ៊ី (Esmaeil Baghaei) បាននិយាយកាលពីថ្ងៃចន្ទ ក្នុងរយៈពេលពីរបីថ្ងៃបន្ទាប់ពីនាយកអង្គការឃ្លាំមើលនេះបាននិយាយថាទីក្រុងតេអេរ៉ង់ត្រៀមខ្លួនរួចជាស្រេចដើម្បីចាប់ផ្តើមកិច្ចសន្ទនាបច្ចេកទេសឡើងវិញ។

លោក បាហ្គាអ៊ី បាននិយាយបន្ថែមថា សៀវភៅណែនាំស្តីពីអនាគតនៃកិច្ចសហប្រតិបត្តិការរបស់អ៊ីរ៉ង់ជាមួយទីភ្នាក់ងារថាមពលបរមាណូអន្តរជាតិ នឹងត្រូវបានបង្ហាញដោយផ្អែកលើច្បាប់ថ្មីមួយរបស់សភា ដែលរឹតបន្តឹងទៅលើកិច្ចសហប្រតិបត្តិការបែបនេះ៕

ដោយ៖ យា ចិន្ដាខន្ដី (ប្រភព៖ កូរ៉េថាមស៍)