AKP តាកែវ ថ្ងៃទី០១ ខែកក្កដា ឆ្នាំ២០២៥ -- សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ស្នើឱ្យគណៈកម្មការរៀបចំគោលនយោបាយរៀបចំគោលនយោបាយដើម្បីជំរុញទៅបង្កើនការអភិវឌ្ឍវិស័យកសិកម្ម  និងឧស្សាហកម្មនៅទិសខាងលិចថែមទៀត ជាពិសេសខេត្ដនៅជាប់ព្រំដែនរវាងកម្ពុជា និងថៃ។ ការស្នើសុំរបស់សម្ដេចធិបតីនាយករដ្ឋមន្រ្ដីបែបនេះ ក្នុងឱកាសអញ្ជើញជាអធិបតី «ទិវាមច្ឆជាតិ ១ កក្កដា ២០២៥» នាព្រឹកថ្ងៃទី០១ ខែកក្កដា ឆ្នាំ២០២៥ នៅបឹងទន្លេបាទី ក្នុងភូមិថ្នល់ទក្សិណ ឃុំក្រាំងធ្នង់ ស្រុកបាទី ខេត្តតាកែវ។

សម្ដេចធិបតី ហ៊ុន ម៉ាណែត បានគូសបញ្ជាក់ថា កន្លងមករាជរដ្ឋាភិបាលបានធ្វើការលើកទឹកចិត្តនៅរាជធានីភ្នំពេញ ខេត្តព្រះសីហនុ សៀមរាប នៅតំបន់ទេសចរណ៍  ដោយបានដាក់ចេញគោលនយោបាយយោគយល់លើកទឹកចិត្តដោយឆ្នាំនេះនៅទិសឦសាន ហើយនៅខេត្តខាងលិច រួមមាន ខេត្ដបាត់ដំបង់ បន្ទាយមានជ័យ  ពោធិ៍សាត់ បានចេញក្នុងយុទ្ធសាស្ត្រច្រករបៀងមច្ឆា និងអង្ករជាមួយចិន ហើយបូកនឹងប៉ូលភ្ជាប់គ្នាគឺត្រូវជំរុញដើម្បីធានាឱ្យបានល្អ។ សម្តេចបវរធិបតីបានលើកឡើងថា ស្ថានភាពសន្តិសុខ នយោបាយ  សន្តិភាពនៅកម្ពុជាត្រូវបានធានា ហើយបើសិនគ្មាននយោបាយ ឈ្នះ ឈ្នះ កន្លងមកនេះ ប្រហែលជារត់ទៅពឹងលិច កើត ក្នុងការ  ជួយ។ សម្តេចបវរធិបតី ហ៊ុន ម៉ាណែត បានបញ្ជាក់យ៉ាងដូច្នេះថា៖ «រឿងព្រំដែនដែលយើងកំពុងមានសព្វថ្ងៃនេះ គោលនយោបាយរាជរដ្ឋាភិបាលបានកំពុងតែពង្រឹងវិស័យសុខាភិបាល ពង្រឹងវិស័យហេដ្ឋារចនាសម្ព័ន្ធ  ទឹក ភ្លើង  បច្ចេកវិទ្យា រាប់ឆ្នាំកន្លងមកនេះ ទាំងរាជរដ្ឋាភិបាល  និងវិស័យឯកជន បានដាក់ចេញ ។ ការរៀបចំយុទ្ធយុទ្ធសាស្ត្រនេះបានធ្វើឱ្យកម្ពុជាត្រៀមក្នុងការតបតការគំរាម ដោយប្រើប្រាស់កងកម្លាំងប្រដាប់អាវុធ ហើយពិសេសនោះគំរាមផ្នែកសេដ្ឋកិច្ច»។

ជាមួយគ្នានេះដែរ  សម្តចតធិបតីនាយករដ្ឋមន្រ្ដីបានគូសបញ្ជាក់បន្ថែមថា៖ «យុទ្ធសាស្ត្រគោលនយោបាយយើង៥០ ឬ៦០ឆ្នាំ មកនេះ យើងបានវិនិយោគជាម្ចាស់ការខ្លួនឯង គ្មានពីណាមើលងាយ ប្រទេសកម្ពុជាបាននោះទេ ដែលនេះជាគោលនយោបាយដ៏ត្រឹមត្រូវ»៕

ដោយ៖ ប៊ុនរិទ្ធ