AKP ភ្នំពេញ ថ្ងៃទី២៥ ខែមិថុនា ឆ្នាំ២០២៥--

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងលោកស្រី Jacqueline Ng សហស្ថាបនិករបស់ Big Bad Wolf Books អញ្ជើញធ្វើសន្និសីទសារព័ត៌មានផ្សព្វផ្សាយស្តីពី ពិព័រណ៍សៀវភៅ « Big Bad Wolf Books Cambodia » លើកទី៤ នារសៀលថ្ងៃទី២៥ ខែមិថុនា ឆ្នាំ២០២៥ នៅទីស្តីការក្រសួងព័ត៌មាន ដែលសន្និសីទនេះធ្វើឡើងដើម្បីបង្ហាញជូនដល់អ្នកសារព័ត៌មាន ពីព័ត៌មានលម្អិតស្តីពីគោលបំណង ការប្រព្រឹត្តទៅជារួម និងចំណុចពិសេស នៃពិព័រណ៍សៀវភៅដ៏ធំបំផុត និងមានប្រជាប្រិយភាព ក្នុងន័យលើកកម្ពស់ និងបណ្តុះទម្លាប់ការអាន ជាពិសេសក្នុងចំណោមកុមារ និងយុវជន។ 
សូមបញ្ជាក់ថា ពិព័រណ៍សៀវភៅ « Big Bad Wolf Books Cambodia » លើកទី៤ នឹងប្រព្រឹត្តទៅចាប់ពីថ្ងៃទី២៦ ខែមិថុនា ដល់ថ្ងៃទី០៦ ខែកក្កដា ឆ្នាំ២០២៥ នៅផ្សាររុងរឿង ក្នុងតំបន់ជ្រោយចង្វារ។ 

រូបថត៖ ខឹម សុវណ្ណារ៉ា