AKP ក្រចេះ ថ្ងៃទី២០ ខែមីនា ឆ្នាំ២០២៥—

ឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ អញ្ជើញជាអធិបតីពិធីសម្ពោធដាក់ឱ្យប្រើប្រាស់ជាផ្លូវការ អគារផ្នែកជំងឺកុមារ១ខ្នង មានកម្ពស់២ជាន់ នៅមន្ទីរពេទ្យបង្អែកខេត្តក្រចេះ នាព្រឹកថ្ងៃទី២០ ខែមីនា ឆ្នាំ២០២៥។

ពិធីនេះមានការអញ្ជើញចូលរួមពីសំណាក់ឯកឧត្តម និងលោកជំទាវជាថ្នាក់ដឹកនាំក្រសួងសុខាភិបាល ក្រសួងព័ត៌មាន ឯកឧត្តម ហឿ ស៊ីយ៉ែម ប្រធានក្រុមប្រឹក្សាខេត្ត ឯកឧត្តម វ៉ា ថន អភិបាល នៃគណៈអភិបាលខេត្តក្រចេះ លោក William Housworth ប្រធានក្រុមប្រឹក្សាភិបាល និងជានាយកប្រតិបត្តិនៃអង្គការមណ្ឌលថែទាំសុខភាពកុមារចេនឡា ព្រមទាំងមន្ត្រីរាជកាជុំវិញខេត្ត មន្ត្រីសុខាភិបាល និងប្រជាពលរដ្ឋជាច្រើនរូបទៀត។

រូបថត៖ ខឹម សុវណ្ណារ៉ា