AKP ក្រចេះ ថ្ងៃទី០៩ ខែមីនា ឆ្នាំ២០២៥ --

ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ និងលោកជំទាវ ទុយ សិរីរតនៈ នេត្រ ភក្ត្រា ប្រធានកិត្តិយសសមាគមនារីកម្ពុជាដើម្បីសន្តិភាព និងអភិវឌ្ឍន៍សាខាក្រសួងព័ត៌មាន ព្រមទាំងលោកជំទាវ Teo Lay Cheng ឯកអគ្គរដ្ឋទូតសិង្ហបុរី ប្រចាំនៅកម្ពុជា អញ្ជើញលែងកូនត្រីនៅទន្លេមេគង្គ ខេត្តក្រចេះ នាព្រឹកថ្ងៃទី០៩ ខែមីនា ឆ្នាំ២០២៥។

នៅក្នុងថ្ងៃដដែលនោះ ឯកឧត្តមរដ្ឋមន្ដ្រី និង​លោកជំទាវ ព្រមទាំងលោកជំទាវឯកអគ្គរដ្ឋទូតសិង្ហបុរីប្រចាំកម្ពុជា និងមន្ត្រីរាជការជាស្រ្តីនៃក្រសួងព័ត៌មានជាង២០០នាក់ បន្តអញ្ជើញទស្សនាផ្សោតទឹកសាបទន្លេមេគង្គ នៅរមណីយដ្ឋានអន្លង់ផ្សោតកាំពីខេត្តក្រចេះ រួមទាំងបានអញ្ជើញជាវ និងភ្លក់រសជាតិ ក្រឡានថ្មគ្រែ ផងដែរ។

រូបថត៖ ខឹម សុវណ្ណារ៉ា