AKP ភ្នំពេញ ថ្ងៃទី០៥ ខែមីនា ឆ្នាំ២០២៥--សាធារណរដ្ឋប្រជាធិបតេយ្យប្រជាមានិតកូរ៉េ បានប្រារព្ធពិធីបើកការដ្ឋានសាងសង់មន្ទីរពេទ្យ និងកន្លែងកម្សាន្តមួយនៅស្រុក Kangdong នៅថ្ងៃទី 6 ខែកុម្ភៈ។ លោក គីម ជុង អ៊ុន ប្រធានកិច្ចការរដ្ឋនៃសាធារណរដ្ឋប្រជាមានិតប្រជាធិបតេយ្យកូរ៉េបានជីកកកាយដី(បញ្ចុះបឋមសិលា )ដំបូងបង្អស់នៅក្នុងពិធីនេះ។

ការបើកសម្ពោធលើទឹកដីថ្មី និងដំណាក់កាលនៃការអភិវឌ្ឍន៍ជនបទ

ដូចដែលយើងបានដឹងហើយថា សាធារណរដ្ឋប្រជាមានិតប្រជាធិបតេយ្យកូរ៉េកំពុងជំរុញការកសាងរោងចក្រឧស្សាហកម្មក្នុងតំបន់ទំនើបនៅក្នុងទីក្រុង និងស្រុកនានាទូទាំងប្រទេសស្របតាមគោលនយោបាយអភិវឌ្ឍន៍តំបន់ 20 x 10 ដែលមានភាពជឿនលឿនរបស់លោក គីម ជុង អ៊ុន ។ កាល​ពី​ឆ្នាំ​មុនរោងចក្រ​បែប​នេះ​បាន​បង្កើត​ឡើង​ជា​បន្តបន្ទាប់​ក្នុង​ទីក្រុង និង​ស្រុក​ចំនួន២០ រួម​ទាំងស្រុក Songchon ក្នុង​រយៈពេល​មិន​តិច​ជាង​មួយ​ឆ្នាំ​ដែរ។ រោងចក្រស្រដៀងគ្នានេះនឹងត្រូវបានសាងសង់នៅក្នុងទីក្រុង និងស្រុកចំនួន 20 ផ្សេងបន្ថែមទៀត។

ទោះជាយ៉ាងណាក៏ដោយ លោក គីម ជុង អ៊ុន បានគិតថា សញ្ញានៃចរិតលក្ខណៈដែលមិនសូវមានការអភិវឌ្ឍន៍នៃតំបន់ អាចត្រូវបានរកឃើញភាគច្រើននៅក្នុងវិស័យនៃផ្នែកវប្បធម៌ជាងផ្នែកសម្ភារៈ ហេតុដូច្នេះហើយបានជាការសាងសង់រោងចក្រឧស្សាហកម្មក្នុងតំបន់ជាច្រើននៅក្នុងទីក្រុង និងស្រុកគឺមិនគ្រប់គ្រាន់ដើម្បីពន្លឿនការស្តារឡើងវិញក្នុងតំបន់នោះទេ។ ដូច្នេះគណបក្សពលករកូរ៉េក្នុងកិច្ចប្រជុំពេញអង្គលើកទី១១ នៃគណៈកម្មាធិការមជ្ឈិមទីប្រាំបីបានដាក់បញ្ចូលជាផ្លូវការនៅក្នុងគោលនយោបាយអភិវឌ្ឍន៍តំបន់នេះ នូវការសាងសង់បន្ថែមនៃកន្លែងថែទាំសុខភាពសាធារណៈ កន្លែងលំហែពហុមុខងារ និងកន្លែងគ្រប់គ្រងគ្រាប់ធញ្ញជាតិនៅគ្រប់ទីក្រុង និងស្រុកនៅទូទាំងប្រទេស។

ឈានទៅបង្កើនការកសាងប្រទេសឲ្យរីកចម្រើនជាមួយនឹងការផ្លាស់ប្តូរគុណភាពថ្មី

កន្លែងលំហែរកាយរបស់គាត់ដែលត្រូវបានសាងសង់នៅក្នុងស្រុក Kangdong នឹងមិនគ្រាន់តែជាមូលដ្ឋានសិក្សាវិទ្យាសាស្ត្រដែលបំពាក់ដោយមធ្យោបាយព័ត៌មានវិទ្យាដែលមានប្រសិទ្ធភាពខ្ពស់ និងមូលដ្ឋានទិន្នន័យនៃសមិទ្ធិផលវិទ្យាសាស្ត្របច្ចេកវិទ្យាថ្មីៗប៉ុណ្ណោះទេ តែវាក៏នឹងក្លាយជាមូលដ្ឋានវប្បធម៌ពហុមុខងារដែលមនុស្សអាចទស្សនាភាពយន្ត និងរីករាយជាមួយសកម្មភាពកីឡា និងសេវាវប្បធម៌ ព្រមទាំងកន្លែងលក់ទំនិញផ្សេងៗ។ មន្ទីរពេទ្យក៏នឹងក្លាយជាស្ថាប័នសុខភាពសាធារណៈទំនើបមួយដែលមានធាតុផ្សំទាំងអស់បំពេញតាមតម្រូវការបច្ចេកទេសឯកទេស។

នៅក្នុងសុន្ទរកថាដែលលោកបានធ្វើឡើងនៅក្នុងពិធីបើកការដ្ឋានសាងសង់ លោក គីម ជុង អ៊ុន បាននិយាយថា៖ មន្ទីរពេទ្យថ្មីដែលត្រូវសាងសង់នៅក្នុងទីក្រុង និងស្រុកនឹងត្រូវបែងចែកជាបួនប្រភេទទៅតាមចំនួនប្រជាជននៃតំបន់នីមួយៗ។ មន្ទីរពេទ្យនៅឆ្នាំនេះនឹងត្រូវបានសាងសង់នៅក្នុងស្រុក Kangdong ស្រុក Ryonggang និងទីក្រុង Kusong ដែលមានក្នុងតំបន់នីមួយៗ និងតំបន់ទាំងបីនេះវាមានទំហំខុសៗគ្នា ដោយផ្អែកលើមូលដ្ឋាននៃការសាកល្បង។ នៅឆ្នាំនេះយើងគួរតែសាងសង់មន្ទីរពេទ្យទាំងនេះជាកន្លែងគំរូ និងប្រមូលបទពិសោធន៍ក្នុងការធ្វើដូច្នេះ។

ពិធីបញ្ចុះបឋមសិលានេះ ធ្វើឱ្យប្រជាជនកូរ៉េទាំងអស់មានភាពជឿជាក់ និងមានសុទិដ្ឋិនិយមថាពួកគេអាចរីករាយនឹងជីវិតស៊ីវិល័យ ដោយទទួលបានការព្យាបាលកម្រិតខ្ពស់នៅក្នុងតំបន់ដែលពាក់ព័ន្ធរបស់ពួកគេ។

ប្រភព៖ ស្ថានទូតសាធារណរដ្ឋប្រជាមានិតប្រជាធិបតេយ្យកូរ៉េ ប្រចាំព្រះរាជាណាចក្រកម្ពុជា