AKP ភ្នំពេញ ថ្ងៃទី១១ ខែកុម្ភៈ ឆ្នាំ២០២៥—

ឯកឧត្តមបណ្ឌិត ស៊ូនី វង្សវិសិដ្ឋ ​រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម​ ជា​ សុមេធី​ រដ្ឋមន្រ្តីក្រសួងសង្គមកិច្ច​ អតីតយុទ្ធជន​ និងយុវនីតិសម្បទា ទទួលជួបសម្ដែងការគួរសម និងពិភាក្សាការងារជាមួយប្រតិភូ នៃគណៈកម្មាធិការអន្តរជាតិនៃកាកបាទក្រហម (ICRC) ដឹកនាំដោយលោក DiDier Cooreman ប្រធាន ICRC ប្រចាំកម្ពុជា ដោយមានការចូលរួមពីលោក Reto Stump ប្រធានមូលនិធិ Mine-Ex លោក Carson Hart នាយកប្រតិបត្តិ Exceed Worldwide និងសហការី ព្រមទាំងថ្នាក់ដឹកនាំក្រសួងជាច្រើនរូបទៀត នារសៀលថ្ងៃទី១០ ខែកុម្ភៈ ឆ្នាំ២០២៥ នៅទីស្តីការក្រសួង រាជធានីភ្នំពេញ។

សូមបញ្ជាក់ថា ICRC នឹងបញ្ចប់បេសកម្មរបស់ខ្លួននៅប្រទេសកម្ពុជានៅចុងឆ្នាំ២០២៧ខាងមុខនេះ ហើយមូលនិធិ Mine-Ex ដែលជាម្ចាស់ជំនួយនឹងបន្តការងារនេះ ជាមួយអង្គការ Exceed worldwide លេីគម្រោងកម្មវិធីស្ដារលទ្ធភាពពលកម្មនៅខេត្តបាត់ដំបង និងខេត្តកំពង់ស្ពឺ៕

រូបថត៖ ក្រសួងសង្គមកិច្ច