AKP ភ្នំពេញ ថ្ងៃទី៥ ខែកុម្ភៈ ឆ្នាំ២០២៥--
ក្រសួងបរិស្ថានបើកបញ្ជាក់ឲ្យដឹងនៅល្ងាចថ្ងៃទី៥ខែកុម្ភៈនេះថាគុណភាពខ្យល់នៅក្នុងប្រទេសកម្ពុជាមានភាពល្អណាស់។
យោងតាមសេចក្ដីជូនដំណឹងរបស់
ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី៥ ខែកុម្ភៈ ឆ្នាំ២០២៥បានឲ្យដឹងថា ចាប់ពីម៉ោង ៦ ព្រឹក ដល់ម៉ោង ៦ ល្ងាច​ ដែលមានកំហាប់ភាគល្អិតនិចលគិតជាមធ្យមស្មើនឹង ២៣.៩៩ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។

ក្រសួងថាពណ៌ខៀវមានគុណភាពខ្យល់ល្អណាស់មានខេត្តបន្ទាយមានជ័យ ខេត្តកំពង់ឆ្នាំង  ខេត្តបាត់ដំបង ខេត្តកំពង់ចាម​  រាជធានីភ្នំពេញ​ ខេត្តកំពង់ស្ពឺ   ខេត្តព្រៃវែង​  ខេត្តកំពត ខេត្តស្វាយរៀង​ ខេត្តក្រចេះ ខេត្តរតនគិរី​ ខេត្តកែប ខេត្តស្ទឹងត្រែង ខេត្តកំពង់ធំ​ ខេត្តឧត្តរមានជ័យ ខេត្តមណ្ឌលគីរី ខេត្តព្រះវិហារ ​ ខេត្តតាកែវ និងខេត្តត្បូងឃ្មុំ  ។ចំណេក
ពណ៌បៃតង គុណភាពខ្យល់ល្អមាន ខេត្តកណ្តាល ខេត្តសៀមរាប ខេត្តព្រះសីហនុ និងខេត្តប៉ៃលិន​។ដោយឡែក
ពណ៌លឿង ខេត្តកោះកុង និងខេត្តពោធិ៍សាត់៕

ដោយ៖ ប៊ុនរិទ្ធ